మనసు, గాజు రెండూ ఒక్కటే. విరిగిన గాజు అతుక్కోదు, అలాగే విరిగిన మనసూ అతుక్కోదు అంటుంటారు పెద్దలు. అయితే ధనుష్, ఐశ్వర్య మనసులు తిరిగి అతుక్కుంటాయి అంటున్నారు ధనుష్ తండ్రి కసూర్తి రాజా. ఇటీవల ధనుష్ – ఐశ్వర్య ఇటీవల తమ డివోర్స్‌ను అనౌన్స్‌ చేసిన విషయం తెలిసిందే. అయితే వాళ్లిద్దరూ మళ్లీ కలుస్తారు అంటున్నారు కసూర్తి రాజా. ఇటీవల మీడియాతో మాట్లాడిన కస్తూరిరాజా ఈ మేరకు స్పందించారు. పెళ్లి అయిన 18 ఏళ్ల తర్వాత విడాకులు తీసుకుంటున్నట్టు సోషల్ మీడియాలో వీరిద్దరూ వేర్వేరుగా ప్రకటనను విడుదల చేశారు ధనుష్ – ఐశ్వర్య.
కారణాలు పూర్తిగా చెప్పకపోయినా, వైవాహిక బంధానికి స్వస్తి పలకాలని అనుకుంటున్నామని, అందుకే భార్యాభర్తలుగా విడిపోతున్నామని ధనుష్, ఐశ్వర్య సోషల్ మీడియాలో విడివిడిగా పోస్టులు పెట్టారు. దీంతో సినిమా ఇండస్ట్రీ ఆశ్చర్యపోయింది. ఇప్పుడు విడాకులు ఏంటి అని కొందరు, అసలు విడాకులు ఎందుకు అని ఇంకొందరు అడగడం మొదలుపెట్టారు. ఇదే విషయాన్ని కస్తూరి రాజా దగ్గర ప్రస్తావిస్తే అసలు అవి విడాకులు కావని, కేవలం గొడవ మాత్రమే అని అంటున్నారు. ఆ దంపతులు భిన్నాభిప్రాయాలను పరిష్కరించుకుని త్వరలోనే కలిసి పోయే అవకాశం ఉందని కూడా చెబుతున్నారు.
భార్యాభర్తల మధ్య గొడవలు సహజం. ధనుష్, ఐశ్వర్య మధ్య అలాంటిదే జరిగింది. ప్రస్తుతం ఇద్దరూ చెన్నైలో లేరు. హైదరాబాద్‌లో ఉన్నారు. ఇప్పటికే వారితో మాట్లాడాను, కొన్ని సలహాలు, సూచనలు ఇచ్చాను అని చెప్పారు కస్తూరిరాజా. ఈ విడాకుల విషయాన్ని మరోసారి పరిశీలించాలని రజనీకాంత్ కూడా కోరారు. సినిమా పరిశ్రమకు చెందిన కొంతమంది సెలెబ్రిటీలు పిల్లలు కూడా ఇద్దరితో మాట్లాడుతున్నారు. భవిష్యత్తును దృష్టిలో పెట్టుకుని విడాకుల నిర్ణయాన్ని వెనక్కి తీసుకోవాలని కోరుతున్నారు అని కస్తూరి రాజా చెప్పుకొచ్చారు.
మరి ఈ విషయంలో ధనుష్ – ఐశ్వర్య ఏం నిర్ణయం తీసుకుంటారో చూడాలి అంటున్నారు. అయితే ఇవన్నీ ఆలోచించకుండా, చర్చించకుండానే ధనుష్, ఐశ్వర్య నిర్ణయం తీసుకుంటారా అంటే కాదనే చెప్పాలి. సోషల్ మీడియాలో ప్రకటించాక మళ్లీ రాజీపడి వెనక్కి వస్తారా అంటే… కష్టమే అంటున్నారు. ఒకవేళ అలా జరిగి ఇద్దరూ కలిస్తే ఆనందమే అనుకోండి. మరోవైపు ధనుష్ తాను తెలుగులో నటిస్తున్న ‘సార్’ చిత్రీకరణకు బ్రేక్‌ ఇచ్చాడని సమాచారం. ప్రస్తుతం ఎవరికీ అందుబాటులో లేడట.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
