Dhanush, Remuneration: కమ్ముల మూవీకి ధనుష్ రెమ్యునరేషన్ ఎంతంటే..?

June 19, 2021 / 04:06 PM ISTByFilmy Focus

Join Us

Dhanush, Remuneration: కమ్ముల మూవీకి ధనుష్ రెమ్యునరేషన్ ఎంతంటే..?

ఈ మధ్య కాలంలో పాన్ ఇండియా సినిమాలపై టాలీవుడ్ తో పాటు ఇతర ఇండస్ట్రీల హీరోలు సైతం దృష్టి పెడుతున్న సంగతి తెలిసిందే. ధనుష్ శేఖర్ కమ్ముల కాంబినేషన్ లో తెలుగు, తమిళ, హిందీ భాషల్లో తెరకెక్కనున్న పాన్ ఇండియా సినిమాకు సంబంధించిన ప్రకటన వెలువడింది. ఈ సినిమాకు సంబంధించి అధికారిక ప్రకటన రావడంతో ధనుష్ ఫ్యాన్స్, శేఖర్ కమ్ముల ఫ్యాన్స్ ఈ సినిమా కోసం ఆసక్తిగా ఎదురు చూస్తున్నారు.

ఇప్పటివరకు స్టార్ హీరోలతో సినిమాలను తెరకెక్కించని శేఖర్ కమ్ముల తొలిసారి స్టార్ హీరో సినిమాకు దర్శకత్వం వహించనుండటం గమనార్హం. గతంలో ఒక స్టార్ హీరో రిజెక్ట్ చేసిన కథను శేఖర్ కమ్ముల ధనుష్ కు చెప్పి ఒప్పించినట్లు సమాచారం. అయితే ఈ సినిమా కోసం ధనుష్ ఏకంగా 50 కోట్ల రూపాయలు పారితోషికంగా తీసుకుంటున్నారని తెలుస్తోంది. పాన్ ఇండియా మూవీ కావడంతో ధనుష్ ఇంత భారీ మొత్తాన్ని డిమాండ్ చేసినట్టు వార్తలు వస్తున్నాయి.

ఈ సినిమాలో నటించడం గురించి ధనుష్ మాట్లాడుతూ శేఖర్ కమ్ముల డైరెక్షన్ లో నటించడానికి తాను చాలా ఎగ్జైటింగ్ గా ఉన్నానని తెలిపారు. మూడు భాషలలో తెరకెక్కనున్న ఈ సినిమా కొరకు తాను ఆసక్తిగా ఎదురు చూస్తున్నానని ధనుష్ పేర్కొన్నారు. శేఖర్ కమ్ముల డైరెక్షన్ లో తెరకెక్కిన లవ్ స్టోరీ సినిమా రిలీజైన తర్వాత ఈ సినిమా షూటింగ్ ప్రారంభమయ్యే అవకాశాలు ఉన్నాయని చెప్పవచ్చు. ధనుష్ కు జోడీగా ఈ సినిమాలో సాయిపల్లవి నటించే అవకాశాలు ఉన్నాయని తెలుస్తోంది.