సంక్రాంతి అన్నాక.. దిల్‌ రాజు ప్రొడక్షన్‌ హౌస్‌ నుండి ఓ సినిమా విడుదలవ్వాల్సిందే. ఇదొక అనధికారిక రూల్‌ లాగా గత కొన్నేళ్లుగా సాగిపోతూ వస్తోంది. వీలైతే పెద్ద సినిమా లేదంటే చిన్న సినిమా అయినా పొంగల్‌ సీజన్లో రిలీజ్‌ చేస్తూ వస్తున్నారు దిల్‌ రాజు. అలా వచ్చే సంక్రాంతికి కూడా రంగం సిద్ధం చేస్తున్నారు అని గతంలోనే వార్తలొచ్చాయి. అయితే ఇప్పుడు ఆ ప్లాన్‌కి తోడుగా ప్లాన్‌ బిని కూడా రాసుకున్నారని తెలుస్తోంది. అదే జరిగితే ఆ అనధికారిక రూల్‌ పక్కాగా వచ్చే పెద్ద పండగకి కూడా ఉంటుంది.
2023 సంక్రాంతికి టాలీవుడ్‌లో త్రిముఖ పోరు ఉంటుందని గతంలో మనం వార్తలు చదివాం. అల్లు అర్జున్‌, మహేష్‌బాబు, రామ్‌చరణ్‌ వస్తారు అనేది ఆ వార్తల సారాంశం. చరణ్‌ సినిమా అంటే శంకర్‌ సినిమానే. ఇప్పటికే ఈ సినిమా షూటింగ్‌ మొదలైన విషయం తెలిసిందే. అయితే శంకర్‌ సినిమా టైమ్‌కి వస్తుంది అని పక్కగా చెప్పలేం. భారీతనానికి తోడు, అవుట్‌పుట్‌ విషయంలో శంకర్‌ అంత ఈజీగా ఓకే అవ్వరు. దీంతో ఒకవేళ సంక్రాంతికి ఆ సినిమా రెడీ కాకపోతే మరో సినిమాగా విజయ్‌ సినిమా ఓకే చేయాలని చూస్తున్నారట.
థళపతి విజయ్‌, వంశీ పైడిపల్లి కాంబోలో ఓ సినిమా ఓకే అయిన విషయం తెలిసిందే. ఈ సినిమాను కూడా వచ్చే సంక్రాంతి కల్లా రెడీ చేయాలని చూస్తున్నారట. ఈ సినిమాతోనే దిల్‌ రాజు తమిళ ఇండస్ట్రీలోకి అడుగుపెడుతున్నారు. దీంతో సరైన సీజన్‌కే ఆ సినిమా వచ్చేలా చూసుకుంటారు. అందుకే చరణ్‌ సినిమా పొంగల్‌కి రాకపోతే, విజయ్‌ సినిమాను లైన్‌లోకి తీసుకొచ్చేలా ప్లాన్స్‌ వేస్తున్నారట. అయితే రెండు సినిమాలు రెడీ అయిపోతే…
రెండూ విడుదల చేస్తారా అంటే ఏమో డౌటే అని చెప్పాలి. ఇటీవల కాలంలో ఒకే బ్యానర్‌ నుండి ఒకే సీజన్‌కు రెండు సినిమాలు వచ్చినా రోజులు అరుదే. ఒకవేళ అదే జరిగితే అద్భుతమే అని చెప్పొచ్చు. మరి ఎన్నో వైవిధ్యాలు, అద్భుతాలు చేస్తున్న దిల్‌ రాజు బ్యానర్‌… ఇది కూడా చేసి చూపిస్తుందేమో చూడాలి. దిల్‌ రాజు తలచుకుంటే ఏదైనా సాధ్యమే అంటారు ఇండస్ట్రీలో.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
Home