Dil Raju: విజయ్ సినిమాను మనవాళ్లు పట్టించుకుంటారా..?

ప్రముఖ నిర్మాత దిల్ రాజు.. తమిళ సూపర్ స్టార్ విజయ్ హీరోగా ‘వారసుడు’ అనే సినిమాను నిర్మిస్తున్నారు. వంశీ పైడిపల్లి దీనికి దర్శకుడిగా వ్యవహరిస్తున్నారు. విజయ్ నటిస్తోన్న తొలి స్ట్రెయిట్ తెలుగు సినిమా ఇది. తెలుగులో ఆయనకు మంచి పాపులారిటీ ఉండడంతో ‘వారసుడు’ సినిమాపై హోప్స్ పెట్టుకున్నారు దర్శకనిర్మాతలు. స్టార్ హీరో సినిమా కాబట్టి వందల కోట్ల బిజినెస్ జరిగింది. లాభాలు బాగానే వచ్చాయి. కానీ ఇప్పుడు ఈ సినిమాలో ఏ రేంజ్ లో పెర్ఫార్మ్ చేస్తుందనే సందేహాలు కలుగుతున్నాయి.

ఈ సినిమాను సంక్రాంతికి విడుదల చేయనున్నట్లు ఇప్పటికే ప్రకటించారు. అదే సమయానికి ప్రభాస్ ‘ఆదిపురుష్’ కూడా రాబోతుంది. పోనీ ఈ రెండు సినిమాలే కదా అనుకుంటే.. ఇప్పుడు మొత్తం నాలుగు సినిమాలు రిలీజ్ కాబోతున్నాయి. మెగాస్టార్ చిరంజీవి సినిమాతో పాటు.. బాలయ్య సినిమా కూడా అదే సమయానికి రిలీజ్ అవుతుందని సమాచారం. ఇదే గనుక జరిగితే నిర్మాత దిల్ రాజుకి ఇబ్బందులు తప్పవు. ఎందుకంటే ఈ నాలుగు సినిమాలు కూడా నైజాంలో దిల్ రాజే చూసుకోవాలి.

రెండు సినిమాలు వైజాగ్ ఏరియా చూసుకోవాలి. అలా అయితే థియేటర్ల ఇబ్బంది రావడం ఖాయం. అలానే తెలుగులో ‘వారసుడు’ సినిమా ఓపెనింగ్స్ కి గట్టి దెబ్బ పడుతుంది. మన ఆడియన్స్ ముందుగా మన హీరోల సినిమాలే చూడాలనుకుంటారు. ప్రభాస్, చిరు, బాలయ్య రంగంలోకి దిగితే.. విజయ్ పై జనాలు ఆసక్తిచూపకపోవచ్చు. సినిమాకి హిట్ టాక్ వస్తే తప్ప కలెక్షన్స్ రావు. పోనీ ఇప్పుడు వాయిదా వేద్దామా అంటే.. ఆ పరిస్థితి కూడా లేదు.

ఎందుకంటే తమిళులకు సంక్రాంతి పెద్ద పండగ. కాబట్టి ఆ టైంకి ‘వారసుడు’ సినిమాను రిలీజ్ చేయాల్సిన అవసరం ఉంది. అక్కడ రిలీజ్ చేసి తెలుగులో రిలీజ్ చేయకుండా ఉండలేరు. మరి ఈ విషయంలో దిల్ రాజు ఎలాంటి నిర్ణయం తీసుకుంటారో చూడాలి!

కాంతార సినిమా రివ్యూ & రేటింగ్!

Most Recommended Video

ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!