‘ఇండియన్ 2’… ప్రస్తుతం దేశంలో రూపొందుతున్న భారీ చిత్రాల్లో ఇదొకటి. కమల్‌ హాసన్‌ – శంకర్‌ కాంబినేషన్‌, తొలి భాగం విజయం.. ఇలా చాలా విషయాలు ఈ సినిమాను భారీ చిత్రంగా నిలిపాయి. అంతేకాదు ఈ సినిమా కోసం చాలా మంది వేచి చూసేలా చేశాయి. అయితే వివిధ కారణాల వల్ల ఈ సినిమా ఆలస్యమవుతూ వచ్చింది. అయితే ఇప్పుడు రిలీజ్‌ చేయడానికి వాయు వేగంగా పనులు చేస్తున్నారు. ఈ క్రమంలో సినిమా బిజినెస్‌ పనులు వేగవంతం చేశారు అని అంటున్నారు.
సినిమాకు సంబంధించి తెలుగు రాష్ట్రాల డిస్ట్రిబ్యూషన్‌ హక్కుల లెక్క దాదాపు తేలింది అంటున్నారు. ప్రముఖ నిర్మాత, డిస్ట్రిబ్యూటర్‌ అయిన దిల్ రాజు ఈ మేరకు హక్కులు పొందారు అని చెబుతున్నారు. అది కూడా చాలా పెద్ద మొత్తంలోనే అని అంటున్నారు. ముందు చెప్పిన శంకర్‌ – కమల్‌ కాంబో, తొలి భాగం సాధించిన భారీ విజయం లెక్కేసి ‘ఇండియన్ 2’కి దిల్ రాజు భారీ మొత్తం పెడుతున్నారట. ఒకవేళ ఇదే జరిగితే నిర్మాత అవ్వాల్సిన వ్యక్తి డిస్ట్రిబ్యూటర్‌ అవుతున్నారు అనొచ్చు.
ఈ సినిమాను దిల్ రాజు (Dilraju) నిర్మించాల్సింది. ఈ మేరకు గతంలో ప్రకటన కూడా వచ్చింది. అయితే ఏమైందో ఏమో కానీ దిల్ రాజు ఆ తర్వాత డ్రాప్ అయ్యారు. అప్పుడే లైకా ప్రొడ‌క్ష‌న్స్ వచ్చింది. అయితే సినిమా నుండి డ్రాప్ అయినా దిల్ రాజు ‘ఇండియన్ 2’ను వ‌ద‌ల‌టం లేదని ఈ డీల్‌ వల్ల తెలుస్తోంది. సోషల్‌ మీడియా కథనాల ప్రకారం సినిమా కోసం దిల్ రాజు రూ.70 కోట్ల నుండి రూ. 80 కోట్ల వరకు పెట్టారు అని అంటున్నారు.
ఇక ఈ సినిమా గురించి మరో విషయం కూడా తెలుస్తోంది. ఈ సినిమా నిర్మాతల్లో ఒకరైన ఉదయనిధి స్టాలిన్‌ ఇటీవల మాట్లాడుతూ ‘ఇండియన్ 3’ రావొచ్చు అనేలా మాట్లాడారు. అంతేకాదు సినిమాను వచ్చే సమ్మర్‌లో తీసుకొచ్చే ఆలోచన ఉంది అని కూడా చెప్పారు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home