Rashmika: స్టంట్‌ ఉమన్‌ భయపడిన సీన్‌ని కూడా రష్మిక చేసిందట.. అదుర్స్‌ కదా

‘మైసా’ సినిమా గురించి మాట్లాడినప్పుడల్లా ఎక్కువగా వినిపిస్తున్న రెండు విషయాలు రెండే. ఒకటి హీరోయిన్‌ రష్మిక మందన. రెండోది అండర్‌ వాటర్‌ సీక్వెన్స్‌. గోండు యువతిగా రష్మిక కనిపించబోతున్న ఈ సినిమాలో చేసే పోరాటాలు ప్రత్యేకంగా ఉండబోతున్నట్లు చిత్రబృందం ఇప్పటికే వెల్లడించింది. ఇటీవల వచ్చిన టీజర్‌లో ఆ విషయమై క్లారిటీ వచ్చేసింది కూడా. సినిమాలో క్లిష్టమైన అండర్‌ వాటర్‌ ఫైట్‌ సీక్వెన్స్‌ కోసం రష్మిక చాలా శ్రమించిందని ఆ వీడియో చూసినా, సినిమా టీమ్‌ చెప్పిన విషయాలు చూసినా అర్థమవుతోంది.

Rashmika

ఈ సినిమాలో డూప్‌ మీద ఆధారపడకుండా, రష్మికనే స్వయంగా ఆ సన్నివేశాన్ని పూర్తి చేసిందని ఇప్పటికే టీమ్‌ చెప్పింది. తాజాగా సినిమా దర్శకుడు రవీంద్ర పుల్లె ఓ ఇంటర్వ్యూలో ఈ విషయాల్ని తెలిపారు. ఓ కథానాయిక అండర్‌వాటర్‌ ఫైట్‌ సీక్వెన్స్‌ చేయడం ఇదే తొలిసారి. సవాలున్న ఈ సీన్స్‌ కోసం రష్మిక పెద్ద సాహసమ చేశారు. సాధారణంగా మనుషుల నీటి లోపల ఊపిరి తీసుకోకుండా సుమారు ఒక నిమిషం ఉండగలరు. కానీ సినిమాలోని ఈ సీక్వెన్స్‌ మూడున్నర నిమిషాల ఉంటుంది అని రవీంద్ర చెప్పారు..

అండర్‌ వాటర్‌ సీక్వెన్స్‌ కోసం నీటి లోపల రిహార్సల్‌ చేయడం కూడా సాధ్యం కాదు కాబట్టి డూప్‌ను పెట్టి చేద్దాం అని డైరక్టర్‌ అనుకున్నారట. ఆ సీన్‌ గురించి ఓ స్టంట్‌ వుమన్‌కి చెబితే ఆమె చేయలేను అని చెప్పేశారట. దీంతో రష్మికనే స్వయంగా చేస్తానంటూ ముందుకొచ్చిందట. అలా ఆ ఫైట్‌ను మూడు రోజుల పాటు షూట్‌ చేశామని తెలిపారు. ఈ సీన్‌ కోసం రష్మిక 20 గంటల పాటు నీటిలో ఉండాల్సి వచ్చిందట. దీని కోసం బ్రీత్‌ కంట్రోల్‌, డైవింగ్‌ టెక్నిక్‌ల విషయంలో ప్రాక్టీస్‌ చేశారట. ఇటలీ, థాయ్‌లాండ్‌లో తర్ఫీదు పొందిందని చెప్పారు.

నీటి లోపల 25 అడుగుల లోతులో ఆ సీన్‌ తీశారట. మధ్యాహ్నం తరువాత నీటి అడుగున చల్లగా ఉండేది. దాంతో ఆ ఇబ్బంది కూడా ఆమె ఫేస్‌ చేశారని చెప్పారు. రష్మిక ఫైట్‌ చేయడంతో పాటు కళ్లతో ఎక్స్‌ప్రెషన్స్‌ చూపించాలి కాబట్టి, ఆమె కళ్లజోడు పెట్టుకోవడానికి కూడా ఆ సమయంలో కుదర్లేదు. ఇలాంటి పరిస్థితుల్లో ఆ సీన్స్‌ చేశామని ఆయన తెలిపారు.

కావాలనే లీక్ చేసుకుని.. ప్రచారం చేసుకుంటున్నారా?