Ram Charan: శంకర్ తర్వాత చరణ్ ను డైరెక్ట్ చేసేది అతనే..!

మెగా పవర్ స్టార్ రాంచరణ్ ఈ మధ్యనే ‘ఆర్.ఆర్.ఆర్’ కు సంబంధించి తన పార్ట్ షూటింగ్ ను కంప్లీట్ చేసాడు. త్వరలోనే ‘ఆచార్య’ మూవీకి సంబంధించిన షూటింగ్ ను కూడా కంప్లీట్ చేస్తాడు. అటు తర్వాత కోలీవుడ్ స్టార్ డైరెక్టర్ శంకర్ తో ఓ పాన్ ఇండియా మూవీ చేయబోతున్నాడు.సెప్టెంబర్ 8 నుండీ ఆ చిత్రం ప్రారంభం కానుంది. మరోపక్క తన 16వ సినిమాకి సంబంధించిన దర్శకుడిని కూడా ఫైనల్ చేసాడట చరణ్. నానితో ‘జెర్సీ’ వంటి పాత్ బ్రేకింగ్ మూవీని తెరకెక్కించిన దర్శకుడు గౌతమ్ తిన్ననూరి..

చరణ్ 16వ సినిమాని తెరకెక్కించబోతున్నాడు. నిజానికి శంకర్ కంటే ముందు.. చరణ్ 15వ సినిమాకి గౌతమ్ పేరే వినిపించింది. కానీ అనూహ్యంగా శంకర్ పేరు తెరపైకి వచ్చింది. ఎన్వీ ప్రసాద్… చరణ్ తో కలిసి ఈ ప్రాజెక్టుని నిర్మించబోతున్నాడు. త్వరలోనే ఈ మూవీకి సంబంధించిన అధికారిక ప్రకటన కూడా రానుంది. ప్రస్తుతం గౌతమ్.. ‘జెర్సీ’ ని హిందీలో రీమేక్ చేస్తున్నాడు. షూటింగ్ పార్ట్ ఆల్రెడీ కంప్లీట్ అయ్యింది. థియేటర్లలో ఈ మూవీని విడుదల చేయడానికి నిర్మాతలు ఎదురుచూస్తున్నారు.

దిల్ రాజు, హారిక అండ్ హాసిని క్రియేషన్స్ వారు ఈ చిత్రానికి సహా నిర్మాతలుగా వ్యవహరిస్తున్న సంగతి తెలిసిందే. ‘జెర్సీ'(హిందీ) పనులు పూర్తయిన వెంటనే దర్శకుడు గౌతమ్.. చరణ్ మూవీకి సంబంధించి ప్రీ ప్రొడక్షన్ పనులను మొదలుపెడతాడు.వచ్చే ఏడాది నుండీ ఈ ప్రాజెక్టు సెట్స్ పైకి వెళ్లే అవకాశం ఉంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!