ఒక దర్శకుడి సినిమాను మరో దర్శకుడు పొగడం కొత్తేమీ కాదు. ఎన్నో ఏళ్లుగా జరుగుతున్నదే. ఇప్పుడు సోషల్‌ మీడియా వచ్చేసరికి ఇది కొంచెం ఎక్కువైంది. ఆ విషయం అభిమానులకు తెలుస్తోంది కూడా. తాజాగా ప్రముఖ దర్శకుడు, ఇటీవల ‘జవాన్‌’ లాంటి బ్లాక్‌బస్టర్‌ తీసిన అట్లీ ఓ సినిమా గురించి తెగ పొగిడేశారు. దీంతో ఆ విషయం వైరల్‌గా మారింది. అలాగే ఆ పొగడ్తలకు కారణం అదేనా అంటూ మరో చర్చ కూడా మొదలైంది.
ఖుషి కపూర్‌, సుహనా ఖాన్‌, అగస్త్య నంద తదితరులు ప్రధాన పాత్రల్లో నటించిన చిత్రం ‘ది అర్చీస్‌’. జోయా అక్తర్‌ తెరకెక్కించిన ఈ సినిమా ఇటీవల నెట్‌ఫ్లిక్స్‌లో స్ట్రీమింగ్‌కి వచ్చింది. అలా ఈ చిత్రాన్ని వీక్షించిన అట్లీ చిత్రబృందాన్ని మెచ్చుకున్నారు. నటీనటుల ప్రదర్శన అద్భుతంగా ఉందంటూ ఎక్స్‌ (గతంలో ట్విటర్‌)లో ఈ మేరకు పోస్ట్‌ చేశారు. దర్శకత్వంలో సూపర్‌ టాలెంట్‌ ఉన్న జోయా అక్తర్‌ ఈ సినిమాను అద్భుతమైన మ్యూజికల్‌ చిత్రంగా తీర్చిదిద్దారని పొగిడేశారు.
‘ది ఆర్చీస్‌’ సినిమాలో సుహనా ఖాన్‌ నటన బాగుంది. ఆమె మైండ్‌ బ్లోయింగ్‌ డ్యాన్స్‌ చేసింది. ఖుషి కపూర్‌ కూడా తన నటనతో ఇంకాస్త విలువనిచ్చింది. ఇలాంటి మాస్టర్‌ పీస్‌ను తీర్చిదిద్దిన టీమ్‌కు నా అభినందనలు అంటూ గొప్పగా రాసుకొచ్చారు అట్లీ. ఇదంతా చూసిన నెటిజన్లు… ‘జవాన్‌’ సినిమా వల్లే అట్లీ ఇలా పొగడ్తల పని చేశాడు అని అంటున్నారు. ఎందుకంటే అట్లీ నుండి గతంలో ఇలాంటి పెద్దగా లేవు.
ఇక ‘ది ఆర్చీస్‌’ (The Archies) కథ గురించి చూస్తే… కాలేజీలో చదువుకుంటూ ఆడుతూ పాడుతూ జీవితాన్ని గడిపేస్తుంటారు ఏడుగురు స్నేహితులు. వారికి ఓ సారి అనుకోని సమస్య వస్తుంది. తాము ఎంతగానో ఇష్టపడే ‘గ్రీన్ పార్క్‌’ను ధ్వంసం చేసి హోటల్‌ పెట్టాలని కొంతమంది భావిస్తారు. దీంతో ఆ ‘గ్రీన్ పార్క్‌’ను కాపాడుకునేందుకు స్నేహితులు ఏం చేశారు? ఈ క్రమంలో ఎలాంటి ఇబ్బందులు వచ్చాయి? అనే అంశాలతో ఈ సినిమా తెరకెక్కింది.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
