ఓటమి ఎరుగని దర్శకుడిగా పేరున్న వాళ్లలో అట్లీ ఒకరు. దర్శకుడిగా చేసిన నాలుగు సినిమాలూ భారీ విజయాలు అందుకున్నాయి. అయితే ఆ నాలుగు ఎంత పేరు తీసుకొచ్చాయో కానీ… ఒక్క ‘జవాన్‌’ సినిమా అంత పేరు తీసుకొచ్చింది. కారణం ఆ సినిమా సాధించిన వసూళ్లు. రూ. 1100 కోట్లకుపైగా వసూళ్లతో ఇప్పుడు ఆయన నెక్స్ట్‌ సినిమా ఏంటి అనే చర్చ మొదలైంది. ఎందుకంటే నెక్స్ట్‌చేసే సినిమా అంతకుమించి ఉండాలి అనేది అభిమానులు, ప్రేక్షకుల కోరిక.
అలా అట్లీ నెక్స్ట్‌ ఏంటి? అనే ప్రశ్నకు గత కొంతకాలంలో సౌత్ సినిమాల హీరోల పేర్లే వినిపిస్తూ వచ్చాయి. ఎప్పుడో ఇచ్చిన మాట ప్రకారం అట్లీ తన తర్వాతి సినిమా అల్లు అర్జున్‌తో చేస్తారు అని అన్నారు. కాదు కాదు తనకు హ్యాట్రిక్‌ విజయాలు ఇచ్చిన విజయ్‌తోనే చేస్తారు అని కూడా అన్నారు. మరికొందరైతే బాలీవుడ్‌ స్టార్‌ హీరోతో ఉంటుంది అని అంచనాలు వేశారు. దీంతో ‘ఎవరితో సినిమా?’ అంటూ చర్చ జరుగుతూనే ఉంది. అయితే ఇప్పుడు కాస్త క్లారిటీ వచ్చేసింది.
అట్లీ ఓ ఫీల్‌ గుడ్‌ లవ్‌ స్టోరీతో దర్శకుడిగా మారారు. అదే ‘రాజా రాణి’. అయితే (Atlee) అట్లీ రెండో ప్రయత్నం పూర్తి మాస్‌ మసాలా మూవీ చేశారు. ‘తెరి’, ‘మెర్సల్’, ‘బిగిల్’ అంటూ విజయ్‌తో వరుస విజయాలు అందుకున్నారు. ఆ తర్వాత ఏంటి అనుకున్నప్పుడు షారుఖ్ ఖాన్‌ ‘జవాన్‌’ అనౌన్స్‌మెంట్‌ వచ్చింది. దాంతో షాక్ తిన్న జనాలు… సినిమా చూశాక షేక్‌ అయ్యారు. అంతలా ఆ సినిమాతో షారుఖ్ అలరించాడు. వసూళ్ల వరద పారించాడు.
ఈ నేపథ్యంలో తర్వాతి సినిమా కూడా షారుఖ్ ఖాన్‌తోనే ఉంటుంది అంటున్నారు. ఈ మేరకు ఇద్దరి మధ్య కొత్త సినిమా పాయింట్‌ మీద చర్చ జరిగిందట. త్వరలో సినిమా అనౌన్స్‌మెంట్‌ ఉంటుంది అని చెబుతున్నారు. ఈ సినిమా కూడా మాస్‌ మసాలా మిక్స్ అని చెబుతున్నారు. షారుఖ్ సొంత నిర్మాణ సంస్థలోనే ఈ సినిమా ఉండొచ్చట. అయితే ప్రస్తుతం అట్లీ ‘తెరి’ హిందీ రీమేక్‌ పనుల్లో ఉన్నారు. అయితే ఆ సినిమాకు నిర్మాత మాత్రమే. అదయ్యాకే షారుఖ్ సినిమా.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
Home