Allu Arjun: బుచ్చిబాబు ఏం చేయబోతున్నాడు

‘ఉప్పెన’తో తొలి సినిమానే హిట్‌ కొట్టి సుకుమార్ బెస్ట్‌ శిష్యుడు అనిపించుకున్నాడు బుచ్చిబాబు. అయితే ఆ ఊపులో మరో సినిమా ప్రకటిస్తాడేమో అనుకుంటే… ఇంతవరకు సినిమా గురించి ఎలాంటి సమాచారం లేదు. అయితే ఎన్టీఆర్‌తో ఓ సినిమా చేస్తాడని పుకార్లు మాత్రం వచ్చాయి. కానీ ఇంతవరకు దానికి సంబంధించి ఎలాంటి అధికారిక ప్రకటన లేదు. అయితే తాజాగ అల్లు అర్జున్‌ను బుచ్చిబాబు కలిశాడనే ముచ్చటు టాలీవుడ్‌ వర్గాల్లో చక్కర్లు కొడుతోంది. దీంతో బుచ్చిబాబు నెక్స్ట్‌ బన్నీతోనే అని టాక్‌ వినిపిస్తోంది.

స్పోర్ట్స్‌ బ్యాక్‌డ్రాప్‌లో బుచ్చిబాబు ఓ సినిమా కథ సిద్ధం చేసుకున్నాడని చాలా రోజుల నుండి వార్తలొస్తున్నాయి. అయితే హీరో ఇంకా ఫైనల్‌ కాలేదని అంటున్నారు. నిర్మాతలు మాత్రం మైత్రీ మూవీ మేకర్స్‌ వాళ్లే. దీంతో బుచ్చిబాబు హీరో కోసం సెర్చింగ్‌ మొదలుపెట్టాడట. ఈ క్రమంలో ఎన్టీఆరే ఆ హీరో అని వార్తలొచ్చాయి. అయితే ఎన్టీఆర్‌ ఇప్పటికిప్పుడు బుచ్చిబాబుకు సినిమా చేసే పరిస్థితి లేదట. ‘ఆర్‌ఆర్‌ఆర్‌’ తర్వాత ఎన్టీఆర్‌ కొరటాల శివ సినిమా చేయాలి. ఆ తర్వాత ప్రశాంత్‌ నీల్‌ సినిమా ఉంటుంది అంటున్నారు. దీంతో బుచ్చిబాబుకు నో ఛాన్స్‌.

ఈ లెక్క అర్థం చేసుకున్న బుచ్చిబాబు ఇటీవల అల్లు అర్జున్‌ను కలసి తన సినిమా పాయింట్‌ చెప్పాడని అంటున్నారు. మరి దానికి బన్నీ ఏమన్నాడనేది తెలియాల్సి ఉంది. ‘పుష్ప’ రెండు పార్టుల తర్వాత అల్లు అర్జున్‌ చేయబోయే సినిమా ఏంటి అనేది ఇంకా ఫైనల్‌ కాలేదు. కొరటాల శివ.. ఎన్టీఆర్‌ దగ్గరకు వెళ్లిపోయాడు. దీంతో బన్నీ సినిమా కోసం బోయపాటి శ్రీను, వేణు శ్రీరామ్‌ లైన్‌లో ఉన్నాడు. వీళ్లతోపాటు బుచ్చిబాబు లైన్‌లో ఉన్నాడు. లేక వాళ్లను దాటుకొని సినిమా చేస్తాడా అనేది చూడాలి.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!