నందమూరి వారసుడి తెరంగేట్రం ఎప్పుడు? చాలా రోజుల నుంచి అభిమానుల్లో ఈ మాట వినిపిస్తూనే ఉంది. దీనిపై బాలకృష్ణ అప్పుడప్పుడు పరోక్షంగా, ప్రత్యక్షంగా హింట్లు ఇస్తూనే ఉన్నాడు. అయితే కచ్చితంగా ఫలానా సమయానికి సినిమా మొదలవుతుంది… పూర్తవుతుంది.. విడుదలవుతుంది. ఫలానా వ్యక్తి డైరక్టర్ అనే విషయం కూడా తేలలేదు. అయితే ఇప్పుడు మరోసారి మోక్షజ్ఞ ఇండస్ట్రీ ఎంట్రీ గురించి వార్తలొస్తున్నాయి. ఈసారి పుకార్లు కాస్త గట్టిగానే వినిపిస్తున్నాయి కూడా. టాలీవుడ్లో వారసుల ఎంట్రీ అంటే గుర్తొచ్చే దర్శకులు వి.వి.వినాయక్, పూరి జగన్నాథ్.
మోక్షజ్ఞ ఎంట్రీ విషయంలో ఈ రెండు పేర్లు ఇప్పటివరకు పెద్దగా వినిపించలేదు. తొలుత నుంచి వినిపిస్తూ వచ్చిన పేరు బోయపాటి శ్రీను. ఇప్పటికే సినిమా కథను బాలకృష్ణ విన్నారని, మార్పులు చేర్పులు చెప్పారని కూడా వార్తలొచ్చాయి. చాలా రోజులపాటు ఈ మాటలే వినిపించాయి. అయితే ఇప్పుడు మరో దర్శకుడి పేరు వార్తల్లోకి వచ్చింది. అతనే పూరి జగన్నాథ్. ఈ స్టార్ డైరక్టర్కు బాలయ్య… తన కొడుకు డెబ్యూ అవకాశం ఇస్తున్నాడట. అయితే ఇక్కడో మెలిక ఉందని తెలుస్తోంది.
పూరి ప్రస్తుతం విజయ్ దేవరకొండతో ‘లైగర్’ తీస్తున్నాడు. పాన్ ఇండియా రేంజీలో రూపొందుతున్నఈ సినిమా మీద భారీ అంచనాలే ఉన్నాయి. ఈ సినిమాలో విజయ్ బాలీవుడ్ ఎంట్రీ ఇస్తున్నాడు. ఈ సినిమా విజయం చాలా మందికి అవసరం. చాలా రోజులుగా సరైన విజయం లేని విజయ్కి చాలా అవసరం. అలాగే మోక్షజ్ఞ డెబ్యూ అవకాశం దక్కాలంటే పూరికి ఈ విజయం అవసరమని సమాచారం. నందమూరి బాలకృష్ణ ఇప్పటికే పూరితో మోక్షజ్ఞ సినిమా విషయంలో చర్చలు జరిపాడట. రెండు, మూడు కథలను కూడా విన్నట్లు భోగట్టా. ‘లైగర్’ సక్సెస్ అయితే వెంటనే మోక్షజ్ఞ సినిమా షురూ చేస్తారట.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
