బాహుబలి చిత్రాల తర్వాత దర్శకధీరుడు ఎస్.ఎస్. రాజమౌళి (Director Rajamouli) మల్టీస్టారర్ మూవీ చేయనున్న సంగతి తెలిసిందే. ఇందులో రామ్ చరణ్ తేజ్, రామారావు (తారక్) హీరోలుగా నటించనున్నారు. అందుకే ఈ సినిమాకి పేరు పెట్టే వరకు ఆర్ఆర్ఆర్ అని పిలిచుకుంటున్నారు. ఈ సినిమాలో నటించే హీరోయిన్స్ పేర్లు కూడా ఆర్ అక్షరంతోనే మొదలయితే బాగుంటుందని రాజమౌళి భావిస్తున్నారు. అందుకే తెలుగు చిత్ర పరిశ్రమలోని ఆర్ అక్షరంతో పేరు మొదలయ్యే హీరోయిన్స్ ని సెలక్ట్ చేసే పనిలో ఉన్నారు.
కొన్ని రోజుల క్రితం రాశీ ఖన్నా, రకుల్ ప్రీత్ సింగ్ ఖరారు అయినట్లు ప్రచారం సాగింది. రీసెంట్ గా అందిన సమాచారం ప్రకారం రాశీఖన్నా బిజీగా ఉండడంతో ఆమె స్థానంలో కన్నడ బ్యూటీ రష్మిక మందనని తీసుకున్నట్లు తెలిసింది. ఛలో సినిమా ద్వారా యువత హృదయాలను కొల్లగొట్టిన ఈ భామ ఫైనల్ అయ్యే అవకాశాలు ఎక్కువుగా కనిపిస్తున్నాయని ఫిలిం నగర్ వాసులు చెప్పారు. హీరోయిన్స్ విషయంలో సంతకాలు పూర్తి అయిన వెంటనే చిత్ర బృందం అధికారికంగా ప్రకటించనున్నారు. డీవీవీ ఎంటర్టైన్మెంట్స్ పతాకంపై దానయ్య నిర్మించనున్న ఈ మూవీ అప్డేట్స్ కోసం ఫిల్మీ ఫోకస్ ని ఫాలో అవుతూనే ఉండండి.
