Rajamouli: తనపై తానే సెటైర్లు వేసుకున్న జక్కన్న.. వాటితో పోలిస్తే వేస్ట్ అంటూ?

టాలీవుడ్ స్టార్ డైరెక్టర్ రాజమౌళి (S. S. Rajamouli)  స్టూడెంట్ నంబర్ 1 (Student No: 1)  సినిమాకు ముందు శాంతి నివాసం అనే సీరియల్ కు డైరెక్టర్ గా వ్యవహరించారు. ప్రముఖ ఎంటర్టైన్మెంట్ ఛానెల్స్ లో ఒకటైన ఈటీవీలో ఈ సీరియల్ ప్రసారం కాగా అప్పట్లో ఈ సీరియల్ కు మంచి రేటింగ్స్ రావడంతో పాటు బుల్లితెరపై ఈ సీరియల్ హిట్ గా నిలిచింది. నేను డైరెక్ట్ చేసిన శాంతినివాసం సీరియల్ ఏడాదిన్నర పాటు సక్సెస్ ఫుల్ గా నడిచిందని జక్కన్న పేర్కొన్నారు.

అయితే నేను చేసిన సీరియల్ పరమ చెత్తగా ఉంటుందని రాజమౌళి చెప్పుకొచ్చారు. ఆ సీరియల్ అస్సలు బాగోదని రాజమౌళి వెల్లడించారు. ఆ సీరియల్ కు ఎందుకు మంచి రేటింగ్స్ వచ్చాయో తెలీదు కానీ వచ్చాయని జక్కన్న పేర్కొన్నారు. ప్రైమ్ టైమ్ లో పడటం, రాఘవేంద్ర రావు గారి పేరు అసోసియేట్ కావడం వల్ల కూడా ఆ సీరియల్ హిట్ అయ్యి ఉండవచ్చని రాజమౌళి తెలిపారు. ఆ సీరియల్ రిచ్ గా తీశామని ఆయన వెల్లడించారు.

టేకింగ్, క్రియేటివ్ వైజ్ ఆ సీరియల్ విషయంలో బ్యాడ్ జాబ్ చేశానని నేను ఫీలవుతానని రాజమౌళి వెల్లడించారు. అప్పటి సీరియల్స్ పిన్ని, కస్తూరి సీరియల్స్ తో పోలిస్తే ఈ సీరియల్ వీక్ సీరియల్ అని ఆయన పేర్కొన్నారు. ఆ సీరియళ్లతో పోల్చి చూస్తే మాత్రం ఈ సీరియల్ బ్యాడ్ సీరియల్ అని రాజమౌళి వెల్లడించారు. స్టూడెంట్ నంబర్1 సినిమాకు ఛాన్స్ రావడంతో శాంతి నివాసం సీరియల్ బాధ్యతలను ఆ సీరియల్ కో డైరెక్టర్ కు అప్పగించానని జక్కన్న తెలిపారు.

రాజమౌళి తనపై తానే సెటైర్లు వేసుకోవడం గమనార్హం. రాజమౌళి ప్రస్తుతం మహేష్ బాబు  (Mahesh Babu) సినిమాతో బిజీగా ఉండగా ఈ సినిమాపై అంచనాలు పెరుగుతున్నాయి. ఈ సినిమా రిలీజ్ డేట్ ను ప్రకటిస్తే తమ టెన్షన్ తీరుతుందని ఫ్యాన్స్ ఫీలవుతున్నారు. జక్కన్న ఈ సినిమాకు సంబంధించిన క్రేజీ అప్ డేట్స్ ఎప్పుడు ఇస్తారో చూడాలి. రాజమౌళి మహేష్ బాబుతో ఎలాంటి సినిమాను తెరకెక్కిస్తారో చూడాల్సి ఉంది.