రాజుగారు ఇలా ఇరుక్కుపోయాడన్న మాట…!

April 10, 2020 / 06:02 PM ISTByFilmy Focus

Join Us

టాలీవుడ్ సక్సెస్ ఫుల్ ప్రొడ్యూసర్ దిల్ రాజు.. ఈ ఏడాది ‘సరిలేరు నీకెవ్వరు’ చిత్రంతో పెద్ద హిట్ అందుకున్నాడు. ఈ చిత్రం దిల్ రాజుకి మంచి లాభాలను అందించింది. అయితే ఆ వెంటనే వచ్చిన ‘జాను’ మాత్రం నష్టాల్ని మిగిల్చింది. తరువాత ఈయన రెండో పెళ్ళి చేసుకోబోతున్నాడు అనే వార్తలు కూడా వచ్చాయి. వాటి హడావుడి కొద్ది రోజుల పాటు నడిచింది. ఇదిలా ఉండగా ఈయన నిర్మించిన ‘వి’ చిత్రం విడుదల కరోనా ఎఫెక్ట్ వల్ల ఆగిపోయింది.

మరోపక్క ఈయన.. రాజమౌళి డైరెక్షన్లో చరణ్, ఎన్టీఆర్ హీరోలుగా నటిస్తున్న ‘ఆర్.ఆర్.ఆర్’ వల్ల కూడా ఇబ్బందులు ఎదుర్కొంటున్నట్టు వార్తలు వస్తున్నాయి. అసలు ఆ చిత్రానికి .. నిర్మాత దిల్ రాజుకి సంబంధం ఏమిటి.. అనేగా మీ డౌట్. విషయం ఏమిటంటే… ‘ఆర్.ఆర్.ఆర్’ చిత్రం నైజాం హక్కుల్ని దిల్ రాజు భారీగా 75 కోట్లకు కొనుగోలు చెయ్యడానికి రెడీ అయ్యాడట. ఇందుకు గాను దర్శకుడు రాజమౌళి, నిర్మాత దానయ్య లతో డిస్కస్ చేసి 15 కోట్లు అడ్వాన్స్ కూడా ఇచ్చాడట.

Director Rajamouli Shocks Dil Raju1

అయితే ఇప్పుడు కరోనా ఎఫెక్ట్ వల్ల.. ఆ చిత్రం షూటింగ్ నిలిచిపోయింది. వారు ఆనౌన్స్ చేసినట్టు.. 2021 జనవరి 8న ఈ చిత్రం విడుదలయ్యే అవకాశాలు కూడా లేవని ఇన్సైడ్ టాక్. దీంతో దిల్ రాజు కాస్త రేటు తగ్గించమని ‘ఆర్.ఆర్.ఆర్’ టీం ను కోరినట్టు తెలుస్తుంది.అయితే దీని పై రాజమౌళి ఫైర్ అయ్యాడట. ఇప్పుడు ఇలా భేరాలు ఆడటం ఏంటి.. ఇష్టం లేకపోతె డీల్ క్యాన్సిల్ చేసుకోమని చెప్పాడట. అడ్వాన్స్ మాత్రం సినిమా రిలీజ్ అయ్యాక ఇస్తామని చెప్పినట్టు సమాచారం.