శంకర్ (Shankar) చిన్న కూతురు అదితి శంకర్ (Aditi Shankar) హీరోయిన్ గా ఎంట్రీ ఇచ్చిన సంగతి తెలిసిందే. కార్తీ (Karthi) హీరోగా తెరకెక్కిన ‘విరుమాన్’ సినిమా ద్వారా హీరోయిన్ గా డెబ్యూ ఇచ్చింది. ఆ తర్వాత శివ కార్తికేయన్ (Sivakarthikeyan) హీరోగా తెరకెక్కిన ‘మహావీరుడు’ (Maaveeran) సినిమాలో కూడా హీరోయిన్ గా నటించింది. అలాగే ‘నేసిప్పాయ’ కూడా తెలుగులో ‘ప్రేమిస్తావా’ (Premistava) గా రిలీజ్ కాబోతోంది. ‘భైరవం’ (Bhairavam) సినిమాతో తెలుగులో కూడా డెబ్యూ ఇవ్వబోతుంది ఈ అమ్మడు. మొత్తానికి అధితి అన్నీ క్రేజీ ఆఫర్లే అందుకుంటుంది.
నటనలో కూడా ఎక్కడా తడబడటం లేదు. ‘ప్రేమిస్తావా’ సినిమా ప్రమోషన్స్ కి వచ్చినప్పుడు స్టేజిపై ఆమె మాస్ డాన్స్ వేసి.. తన టాలెంట్ ను లైవ్లో చూపించింది. సాధారణంగా దర్శకులు తమ కూతుళ్లను హీరోయిన్లుగా చేయడానికి ఇష్టపడరు. అలాంటిది శంకర్ వంటి స్టార్ డైరెక్టర్ తన కూతుర్ని ఎలా హీరోయిన్ ని చేశాడు? అని అంతా అనుకుంటున్నారు. అలాంటి వారికి అదితి సమాధానం ఇచ్చింది. అధితి మాట్లాడుతూ.. “మెడిసిన్ చదువుకున్నాక.. సినిమాల్లోకి వస్తానని మా నాన్నగారు శంకర్ ను అడిగాను.
అందుకు ఆయన ఒక కండీషన్ పెట్టారు. అదేంటంటే ‘సినిమాలు చేయడం మొదలుపెట్టాక.. కొంత టైంలో సక్సెస్ కాకపోతే తిరిగి వైద్య వృత్తికి వెళ్లిపోవాలని’ ఆయన చెప్పారు. అందుకు నేను ఓకే చెప్పాను. అలాగే నాకు కూడా నా తండ్రి పేరు వాడుకోవడం ఇష్టం లేదు. డబ్బు కోసం నేను సినిమాల్లోకి రాలేదు. నటనపై ఉన్న ఇష్టంతోనే వచ్చాను. అందరిలానే ఆడిషన్లకు వెళ్లి అవకాశాలు పొందాను” అంటూ చెప్పుకొచ్చింది అధితి.
Home