Sujeeth: నాకు ‘జానీ’ సినిమా ఇష్టం.. ఎందుకంటే? : సుజీత్

మొన్నటికి మొన్న ‘నా అల్లుడు'(Naa Alludu)అనే డిజాస్టర్ సినిమా నా ఫేవరెట్ అని విశ్వక్ సేన్ (Vishwak Sen) చెప్పి పెద్ద షాకిచ్చాడు. ఇప్పుడు దర్శకుడు సుజీత్ (Sujeeth).. తన అభిమాన హీరో పవన్ కళ్యాణ్ (Pawan Kalyan)  సినిమాల్లో బాగా నచ్చింది ‘జానీ’ (Johnny) సినిమా అంటూ చెప్పి ఇంకా పెద్ద షాక్ ఇచ్చాడు. కార్తికేయ (Kartikeya) ‘భజే వాయు వేగం’ (Bhaje Vaayu Vegam) సినిమా ప్రమోషన్స్ లో సుజీత్ పాల్గొని ఈ షాకింగ్ స్టేట్మెంట్ ఇచ్చాడు. పూర్తి వివరాల్లోకి వెళితే.. పవన్ కళ్యాణ్ సినిమాల్లో మీకు ఇష్టమైన సినిమా ఏది?’ అంటూ హీరో కార్తికేయ అడగ్గా.. అందుకు సుజీత్.. ‘జానీ’ అంటూ సమాధానం ఇచ్చాడు.

ఆ తర్వాత ‘ఎందుకు జానీ? ఇంకా ‘ఖుషి’ (Kushi) లేదా ‘గబ్బర్ సింగ్’ (Gabbar Singh) చెబుతావేమో అనుకున్నాం’ అని మళ్ళీ అతన్ని ప్రశ్నించగా.. అందుకు సుజీత్.. ” ‘జానీ’ లో జెన్యూనిటీ ఉంటుంది. కళ్యాణ్ గారు డైరెక్షన్ చేశారు. నేను అనంతపూర్ శాంతి సుధా థియేటర్లో ఆ సినిమా చూశాను. ‘జానీ’ అనే బ్యాండ్ కట్టుకుని ఆ సినిమా చూశాను. సినిమా వర్కౌట్ అవ్వలేదు అంటే వారం రోజుల పాటు నేను ఆ బ్యాండ్ తీయలేదు. అది పెట్టుకునే స్నానం చేసేవాడిని.

ఈ విషయం పవన్ కళ్యాణ్ గారికి కూడా చెప్పాను. అసలు ‘జానీ’ సినిమా ఆ టైంలో వచ్చింది కానీ.. ఇప్పుడు చూస్తుంటే.. ఆ మేకింగ్ అదీ చాలా కొత్తగా అనిపిస్తుంది. సింక్ సౌండ్, ఎడిటింగ్ అది చాలా ఎక్స్ట్రార్డినరీ గా ఉంటుంది. ఆ రోజుల్లోనే చాలా డిఫరెంట్ తీశారు పవన్ కళ్యాణ్ ఆ సినిమాని” అంటూ చెప్పుకొచ్చాడు.