పాపం రవితేజ కు ప్రస్తుతం బ్యాడ్ టైం నడుస్తుందని కన్ఫార్మ్ అయ్యింది. ‘రాజా ది గ్రేట్’ తర్వాత వరుసగా ‘టచ్ చేసి చూడు’ ‘నేల టిక్కెట్’ ‘అమర్ అక్బర్ ఆంటోని’ అంటూ మూడు డిజాస్టర్లు మూటకట్టుకున్నాడు మన మాస్ మహారాజ్. దీంతో కొంచెం గ్యాప్ తీసుకుని ‘డిస్కో రాజా’ చిత్రం చేసినా ప్రయోజనం లేకపోయింది. జనవరి 24న విడుదలైన ఈ చిత్రానికి ప్లాప్ టాక్ అయితే ఏమీ రాలేదు.. పర్వాలేదు అనే టాకే వచ్చింది. వీకెండ్ వరకూ కలెక్షన్స్ ఓకే అనిపించాయి. కానీ సోమవారం నుండీ ఈ చిత్రం కలెక్షన్లు దారుణంగా పడిపోయాయి.
‘డిస్కో రాజా’ చిత్రం ఫస్ట్ వీక్ రోజుల కలెక్షన్ల వివరాలు ఈ విధంగా ఉన్నాయి :
| నైజాం | 2.79 cr |
| సీడెడ్ | 0.93 cr |
| ఉత్తరాంధ్ర | 0.93 cr |
| ఈస్ట్ | 0.50 cr |
| వెస్ట్ | 0.37 cr |
| కృష్ణా | 0.44 cr |
| గుంటూరు | 0.45 cr |
| నెల్లూరు | 0.26 cr |
| రెస్ట్ ఆఫ్ ఇండియా | 0.52 cr |
| ఓవర్సీస్ | 0.65 cr |
| వరల్డ్ వైడ్ టోటల్ | 7.84 cr (share) |
‘డిస్కో రాజా’ చిత్రానికి 22 కోట్ల బిజినెస్ జరిగింది. 7 రోజులు పూర్తయ్యేసరికి ఈ చిత్రం 7.84 కోట్ల షేర్ ను మాత్రమే రాబట్టింది. సంక్రాంతి బ్లాక్ బస్టర్ లు ‘అల వైకుంఠపురములో’ ‘సరిలేరు నీకెవ్వరు’ చిత్రాలు ఇప్పటికీ దూసుకుపోతుండడంతో.. ‘డిస్కో రాజా’ చిత్రాన్ని ఎవ్వరూ పెద్దగా పట్టించుకోవట్లేదు. ఇక ఈ ‘డిస్కో రాజా’ చిత్రం బ్రేక్ ఈవెన్ కావాలి అంటే మరో 14.16 కోట్ల వరకూ షేర్ ను రాబట్టాల్సి ఉంది. ఈరోజు ‘అశ్వద్ధామ’ అనే కొత్త చిత్రం విడుదలైంది కాబట్టి.. ఈరోజు నుండీ ‘డిస్కో రాజా’ పరిస్థితి ఎలా ఉంటుందో చూడాలి.
Click Here To Disco Raja Movie Review
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
