రహస్యంగా పెళ్లి చేసుకున్న వరుణ్ తేజ్ హీరోయిన్

మెగా ప్రిన్స్ వరుణ్ తేజ్ హీరోగా తెరకెక్కిన లోఫర్ సినిమాలో హీరోయిన్ గా నటించిన బాలీవుడ్ నటి దిశా పటానీ రహస్యంగా పెళ్లి చేసుకుంది. బాలీవుడ్‌ సీనియర్ నటుడు జాకీ ష్రాఫ్‌ తనయుడు అయిన టైగర్‌ ష్రాఫ్‌ ని వివాహం చేసుకున్నట్టు బాలీవుడ్ వర్గాలు తెలిపాయి. దిశా పటానీ, టైగర్‌ ష్రాఫ్‌.. ఇద్దరూ కలిసి “బేఫిక్రా” అనే ఆల్బమ్‌లో నటించారు. అప్పటి నుంచి డిన్నర్‌ పార్టీలకు, విహారయాత్రలకు కలిసే వెళుతున్నారు. న్యూ ఇయర్‌ సందర్భంగా శ్రీలంకకు విహారయాత్రకు వెళ్లిన వీరు అక్కడే రహస్యంగా పెళ్లి చేసుకున్నట్లు వార్తలు వెలువడుతున్నాయి.

టైగర్‌, దిశా దండలు మార్చుకుంటున్న ఫొటోలు ప్రస్తుతం సోషల్‌మీడియాలో వైరల్‌గా మారాయి. రహస్యంగా పెళ్లి చేసుకోవడానికి ప్రధాన కారణం టైగర్‌ ష్రాఫ్‌ తల్లి ఆయేషా కారణమని టాక్. ఈ పెళ్ళికి జాకీ ష్రాఫ్‌ అంగీకరించినప్పటికీ తల్లి ఆయేషా మాత్రం ఒప్పుకోకపోవడంతో ఎవరికీ చెప్పకుండా వివాహమాడినట్లు తెలిసింది. ఈ పెళ్లి నిజమో.. కాదో.. త్వరలో తెలియనుంది. టైగర్‌, దిశా జంటగా నటించిన ‘బాఘి 2’ సినిమా త్వరలో ప్రేక్షకుల ముందుకు రానుంది. అలాగే ప్రస్తుతం దిశా “సంఘమిత్ర” సినిమాలో నటిస్తోంది.