నాగ చైతన్య, సాయి పల్లవి మూవీకి రిలీజ్ డేట్ ఫిక్స్..?

నాగ చైతన్య హీరోగా శేఖర్ కమ్ముల డైరెక్షన్లో ఓ సినిమా చేయబోతున్న సంగతి తెలిసిందే. ఈ చిత్రంలో హీరోయిన్ గా సాయి పల్లవి ని ఎంచుకున్నారు. ఈ కాంబినేషన్ అంటేనే అందరిలోనూ ఆసక్తి నెలకొంది. అధికారిక ప్రకటన వచ్చిన వెంటనే.. ఈ సినిమా ఎప్పుడెప్పుడు వస్తుందా అని అందరూ సోషల్ మీడియాలో తెగ కామెంట్లు పెడుతున్నారు. యూత్ ను ఆకట్టుకునే అంశాలతో పాటు .. ఫ్యామిలీ ఆడియన్స్ ను అలరించే ఎమోషన్స్ కూడా ఈ చిత్రంలో పుష్కలంగా ఉంటాయని సమాచారం. ప్రస్తుతం ఈ చిత్రానికి సంబందించిన ప్రీ ప్రొడక్షన్ పనులు చక చకా జరిగిపోతున్నాయి.

సెప్టెంబర్ మొదటివారంలో షూటింగ్ మొదలు పెట్టి… డిసెంబర్ కి పూర్తయ్యేలా దర్శకుడు శేఖర్ కమ్ముల పక్కా స్క్రిప్ట్.. రెడీ చేసుకున్నాడట. అంతేకాదు ‘క్రిస్మస్’ కానుకగా ఈ చిత్రాన్ని విడుదల చేయాలనే ప్లాన్ చేస్తున్నట్టు సమాచారం. శేఖర్ కమ్ముల – సాయిపల్లవి కాంబినేషన్లో వచ్చిన ‘ఫిదా’ బ్లాక్ బస్టర్ కావడంతో ఈ సినిమా కూడా అదే స్థాయిలో హిట్టవుతుందని ప్రేక్షకులు ఆశిస్తున్నారు. మరో పక్క నాగ చైతన్య ‘వెంకీ మామ’ చిత్రం కూడా దసరా కానుకగా విడుదల కానుంది. దీంతో నాగ చైతన్య అభిమానులకి డబుల్ బొనాంజా అనే చెప్పాలి.