Eagle OTT: అందుకే సోలో రిలీజ్ కోసం పట్టుబడుతున్నారా?

మాస్ మహారాజ్ రవితేజ నటించిన ‘ఈగల్’ సినిమా సంక్రాంతి కానుకగా జనవరి 13 న రిలీజ్ అవుతుంది అని ముందుగా ప్రకటించారు. ‘పీపుల్ మీడియా ఫ్యాక్టరీ’ సంస్థ పై టి.జి.విశ్వప్రసాద్ నిర్మించిన ఈ సినిమాకు వివేక్ కూచిభొట్ల సహా నిర్మాతగా వ్యవహరించారు. గతంలో నిఖిల్ తో ‘సూర్య వర్సెస్ సూర్య’ అనే డిఫరెంట్ మూవీని తెరకెక్కించిన కార్తీక్ ఘట్టమనేని దర్శకుడు. కావ్య థాపర్, అనుపమ పరమేశ్వరన్..లు హీరోయిన్లుగా నటించగా నవదీప్ కీలక పాత్ర పోషించారు..!

సంక్రాంతికి ఎక్కువ సినిమాలు ఉండటంతో సోలో రిలీజ్ డేట్ కోసం ‘ఈగల్’ తప్పుకుంది. ఫిబ్రవరి 9 న ఈ సినిమా రిలీజ్ కానుంది. అయితే ఈ సినిమాకి ఓటీటీ బిజినెస్ అవ్వలేదు అనే టాక్ కొద్దిరోజుల క్రితం వినిపించింది. సంక్రాంతి టైంలో పోటీగా చాలా సినిమాలు ఉండటంతో ‘ఈగల్’ కి ఓటీటీ బిజినెస్ అవ్వలేదు అని అంతా అనుకున్నారు.

అలా అని పోటీ నుండి తప్పుకున్న తర్వాత బిజినెస్ జరిగిందా అంటే.. నో అనే సమాధానమే ఎక్కువగా వినిపిస్తుంది. అవును ‘ఈగల్’ నాన్ థియేట్రికల్ బిజినెస్ ఇంకా కంప్లీట్ అవ్వలేదు. రవితేజకి నాన్ థియేట్రికల్ రూపంలో బడ్జెట్ మొత్తం రికవరీ అయ్యేది. కానీ గత ఏడాది రవితేజ నటించిన సినిమాలు పెద్దగా ఆడలేదు.

అవి నష్టాలనే మిగిల్చాయి. అందుకే ‘ఈగల్’ (Eagle) నాన్ థియేట్రికల్ బిజినెస్ ముఖ్యంగా ఓటీటీ బిజినెస్ జరగలేదు అని స్పష్టమవుతుంది. కాబట్టి.. థియేట్రికల్ గా ఎంత రాబడుతుంది అన్నదానిపైనే ఇప్పుడు నిర్మాతల చూపు ఉన్నట్టు తెలుస్తుంది.

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!