ఇటీవల “అరవింద సమేత వీర రాఘవ” చిత్రంలో సెకండ్ హీరోయిన్ గా మెరిసిన ఈషా రెబ్బ ఇటీవల “సుబ్రమణ్యపురం” చిత్రంలోనూ ఆకట్టుకొంది. చిన్న పెద్ద హీరో లేదా సినిమా అన్న తేడా లేకుండా క్యారెక్టర్ నచ్చితే ఏ సినిమాలో అయినా నటిస్తూ వరుసబెట్టి ప్రొజెక్ట్స్ తో బిజీగా ఉన్న ఈషా రెబ్బకు రాజమౌళి అత్యంత ప్రతిష్టాత్మకంగా తెరకెక్కిస్తున్న “ఆర్ ఆర్ ఆర్” చిత్రంలో నటించే అవకాశం వచ్చిందని గత రెండు రోజులుగా వార్తలు హల్ చల్ చేస్తున్న విషయం తెలిసిందే.
ఈ విషయమై స్పందించిన ఈషా రెబ్బ “నన్ను ఇప్పటివరకూ ఆర్ ఆర్ ఆర్ బృందం నుంచి సినిమాలో నటించడం కోసం ఎవరూ సంప్రదించలేదు కానీ.. ఒకవేళ అడిగితే మాత్రం తప్పకుండా చేస్తాను. నిజానికి ఎవరైనా నన్ను అడిగితే బాగుండు అని వెయిట్ చేస్తున్నాను” అని రిప్లై ఇచ్చింది ఈషా రెబ్బ. రాజమౌళి సినిమాలో ఉండే లెక్కకు మిక్కిలి క్యారెక్టర్స్ లో ఈషా రెబ్బను ఏదో ఒక పాత్రకు క్యాస్ట్ చేయడం అనేది అంత కష్టమైన పనేమీ కాదు. ఒకవేళ అలా జరిగితే గనుక అమ్మడి అదృష్టం రేఖ చాలా పెద్దది, బలమైనది అని ఫిక్స్ అయిపోవాలి.
