2024 సంక్రాంతి పండుగ కానుకగా విడుదలవుతున్న సినిమాలపై ఇప్పటికే భారీ స్థాయిలో అంచనాలు ఏర్పడ్డాయి. గుంటూరు కారం, ఈగిల్, సైంధవ్, నా సామిరంగ, హనుమాన్ సినిమాలు సంక్రాంతి కానుకగా రిలీజ్ కానుండగా ఈ సినిమాలపై అంచనాలు పెరుగుతున్నాయి. ప్రతి సంవత్సరం సంక్రాంతి కానుకగా సినిమాలను రిలీజ్ చేయడానికి ఆసక్తి చూపే దిల్ రాజు 2024 సంక్రాంతి కానుకగా ఫ్యామిలీ స్టార్ సినిమాను రిలీజ్ చేయాలని భావించారు. ఇప్పటికే విడుదలైన ఫ్యామిలీ స్టార్ మూవీ గ్లింప్స్ కు ప్రేక్షకుల నుంచి మంచి రెస్పాన్స్ వచ్చింది.
ఐరనే వంచాలా ఏంటి అంటూ విజయ్ దేవరకొండ చెప్పిన డైలాగ్ గ్లింప్స్ కు హైలెట్ గా నిలిచింది. అయితే ఈ సినిమా షూటింగ్ 25 శాతం బ్యాలెన్స్ ఉందని సమాచారం. సంక్రాంతి కానుకగా ఈ సినిమాను రిలీజ్ చేయడం సులువు కాదని ఇండస్ట్రీ వర్గాల్లో జోరుగా వినిపిస్తుండటం హాట్ టాపిక్ అవుతోంది. మరోవైపు ఫ్యామిలీ స్టార్ కొత్త రిలీజ్ డేట్ ఇదేనంటూ మార్చి నెల 22వ తేదీన ఈ సినిమా రిలీజ్ కానున్నట్టు వార్తలు ప్రచారంలోకి వస్తున్నాయి.
ఏప్రిల్ నెలలో దేవర, ఇండియన్2, కంగువా సినిమాలు రిలీజ్ కానున్న నేపథ్యంలో మార్చి నెలలోనే ఈ సినిమా రిలీజ్ కానుందని ప్రచారం జరుగుతోంది. అయితే దిల్ రాజు స్పందిస్తే మాత్రమే వైరల్ అవుతున్న వార్తల్లో నిజానిజాలు తెలిసే ఛాన్స్ ఉంది. విజయ్ దేవరకొండ ఫ్యామిలీ స్టార్ సినిమాపై చాలా ఆశలు పెట్టుకున్నారు. మృణాల్ ఠాకూర్ హీరోయిన్ గా నటిస్తున్న (Family Star) ఈ సినిమాతో విజయ్ కచ్చితంగా సక్సెస్ సాధించాల్సి ఉంది.
గీతా గోవిందం సినిమా తర్వాత విజయ్ దేవరకొండకు ఆ రేంజ్ హిట్ దక్కలేదు విజయ్ దేవరకొండ రెమ్యునరేషన్ ఒకింత భారీ రేంజ్ లో ఉంది. విజయ్ దేవరకొండకు వరుస విజయాలు దక్కాలని ఫ్యాన్స్ కోరుకుంటున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home