‘పవన్’ పై ఫాన్స్ ఆగ్రహం….

పవర్ స్టార్ పవన్ కల్యాణ్ అంటే  ఫాన్స్ కు హీరో కాదు, సాక్షాత్తూ భగవంతుడు. అయితే ఎక్కడైనా భగవంతుడిపై భక్తులకు కోపం వస్తుందా? అంటే వస్తుంది….కాదు కాదు వచ్చింది అనే చెప్పాలి….వివరాల్లోకి వెళితే పవర్ స్టార్ పవన్ కల్యాణ్ హీరోగా అప్పట్లో ఇండస్ట్రీని ఒక ఊపు ఊపిన గబ్బర్ సింగ్ చిత్రానికి సెక్వెల్ గా సర్దార్ గబ్బర్ సింగ్ చిత్రం తెరకెక్కుతున్న విషయం అందరికీ తెలిసిందే. అయితే ఎన్నో భారీ అంచనాలు ఉన్న ఈ చిత్రాన్ని ఎట్టి పరిస్థితుల్లో తాము ప్రకటించిన రోజు ‘ఏప్రిల్ 8’న విడుదల చేసేందుకు పవన్ కల్యాణ్ అష్ట కష్టాలు పడుతున్నాడు. ఇదిలా ఉంటే తాజాగా ఇండస్ట్రీలో వినిపిస్తున్న వాదన ప్రకారం. ఈ సినిమాకు దర్శకుడు బాబీ…అయినప్పటికీ….అసలు డైరెక్షన్ మొత్తం పవన్ గారే చేస్తున్నట్లు వార్తలు వస్తున్నాయి. బాబీ ని పక్కన పెట్టి…పవన్ కల్యాణ్ మొత్తం డైరెక్షన్ చేస్తున్నట్లుగా ఉంది పరిస్థితి.

దానికి కారణం…గబ్బర్ సింగ్ సీక్వెల్ అనగానే కథ , కథనాల విషయంలో పవన్ కళ్యాణ్ మొదటి నుంచీ ఎక్కువగానే ఇన్వాల్వ్ అవుతున్నట్లుగా సినీ వర్గాలు చెప్పుకుంటున్నాయి. సహజంగా పవన్ కి ‘జానీ’ సినిమా డైరెక్ట్ చేసిన అనుభవం ఉండడం, అంతేకాకుండా ఫైట్ లూ, కోరియోగ్రఫీ విషయాల్లో పవన్ తన టాలెంట్ ను ప్రతీ సినిమాలో ఎంతో కొంత చూపిస్తూ ఉండడం బహుశా ఈ సినిమాకు కలసి వస్తాయేమో అన్న ఆలోచనతో పవన్ ఉండగా…ఆయన అభిమానులు మాత్రం…హీరో పవన్ తన పని తాను చేసుకుంటూ..దర్శకుడి పని దర్శకుడిని చేయానిస్తే మంచిది అని, సినిమా షూటింగ్ చివ్వరి దశ లో ఉండగా పవన్ కళ్యాణ్ ఇప్పటికైనా తన ఓవర్ యాక్షన్ ఆపి సినిమాలో వేలు పెట్టడం మాని బాబీ కి సర్వ అధికారాలూ ఇవ్వాలి అని సాక్షాత్తూ ఫాన్స్ పవన్ కు హెచ్చరికలు జారీ చేస్తూ ఉండడం గమనార్హం.