నివేదా ఫోన్ నెంబర్ అడిగిన అభిమాని!

నేచురల్ స్టార్ నాని “జెంటిల్‌మేన్” సినిమాతో నివేతా థామస్ తెలుగు వారికి పరిచయయింది. తొలి సినిమాతోనే మంచి మార్కులు కొట్టేసింది. దాని తర్వాత కూడా నానితో నిన్నుకోరి మూవీ చేసి హిట్ అందుకుంది. తర్వాత యంగ్ టైగర్ ఎన్టీఆర్ తో జై లవకుశ సినిమాలో హీరోయిన్ గా నటించి స్టార్ హీరోయిన్ అయిపోయింది. ఈ చిత్రం విజయం తర్వాత ఆమెకు అనేక అవకాశాలు వచ్చినా పక్కన పెట్టింది. డిగ్రీ ఆఖరి సెమిస్టర్‌ పరీక్షలు పూర్తి చేసి కొత్త చిత్రానికి సైన్ చేసింది. కళ్యాణ్ రామ్ సరసన జోడీగా నటిస్తోంది. ప్రముఖ సినిమాటోగ్రఫర్ గుహన్ దర్శకత్వంలో తెరకెక్కనున్న మూవీలో షాలినీ పాండే తో కలిసి స్క్రేన్ షేర్ చేసుకోబోతోంది.

రీ ఎంట్రీ ఇస్తున్న సందర్భంగా ట్విట్టర్ వేదికపై అభిమానులతో ముచ్చటిచింది. వారు అడిగిన ప్రశ్నలకు ఓపిగ్గా సమాధానం చెప్పింది. చెన్నై తనకు ఇల్లులాంటిదని,  హైదరాబాద్ అంటే చాలా ఇష్టమని పేర్కొంది. తన సినిమాలన్నింటినీ ప్రేక్షకులతో కలిసి చూడటానికే ఎక్కువగా ఇష్టపడతానని వెల్లడించింది. ఇలా వేగంగా సమాధానమిస్తున్న నివేదాకి ఓ అభిమాని షాక్ ఇచ్చాడు. “మీ ఫోన్ నంబర్ ఇస్తారా?”  అని ఓ అభిమాని అడగ్గా… షాక్ తిన్న నివేదా.. సమాధానం చెప్పకుండా దాట వేయకుండా.. వెంటనే “ఇవ్వను” అంటూ ఆమె చెప్పింది. పరిశ్రమలో బెస్ట్ ఫ్రెండ్ ఎవరనే ప్రశ్నకి నాని అని జవాబిచ్చారు.