Suriya: సూర్యకు సెలబ్రిటీల మద్దతు!

November 17, 2021 / 04:38 PM ISTByFilmy Focus

Join Us

హీరో సూర్య నటించిన ‘జై భీమ్’ సినిమా అక్టోబర్ 2న ప్రేక్షకుల ముందుకు వచ్చింది. ఈ సినిమాకి ప్రేక్షకుల నుంచి మంచి రెస్పాన్స్ వస్తోంది. ఓటీటీలో నేరుగా ఈ సినిమాను విడుదల చేశారు. అయితే ఇప్పుడు ఈ సినిమాపై విమర్శలు కూడా వస్తున్నాయి. వన్నియార్ సంఘం ప్రతిష్టను దిగజార్చుతున్నారని ఆరోపిస్తూ.. సూర్య, జ్యోతిక, దర్శకుడు టీజే జ్ఞానవేల్, అమెజాన్ ప్రైమ్ వీడియోలకు వన్నియార్ సంఘం నోటీసులు పంపించింది. దీంతో ఈ విషయం హాట్ టాపిక్ గా మారింది.

ఈ నేపథ్యంలో సూర్యకు బెదిరింపులు రావడం సంచలనంగా మారింది. వెంటనే పోలీసులు బందోబస్త్ ఏర్పాటు చేశారు. సూర్య ఇంటి ముందు సాయుధ పోలీసులను ఉంచారు. ఈ బెదిరింపుల మధ్య సూర్యకు మద్దతుగా ట్విట్టర్ లో ట్వీట్లు చేస్తున్నారు. తమిళ ఇండస్ట్రీకి చెందిన కొందరు సెలబ్రిటీలు సైతం సూర్యకు సపోర్ట్ గా నిలిచారు. #WeStandWithSuriya అనే ట్యాగ్‌తో సూర్యకు సపోర్ట్ అందిస్తున్నారు. గొప్ప సంకల్పంతో ‘జై భీమ్’ సినిమా తీశార‌ని.. ఇలాంటి సినిమాను వివాదాల్లోకి లాగ‌డం ఎంత వ‌ర‌కు అని ప్రశ్నిస్తున్నారు.

Big shock to hero Suriya1

కానీ ఇప్పట్లో ఈ వివాదం సద్దుమణిగేలా లేదు. సూర్యపై దాడి చేసిన వారికి లక్ష రూపాయల నగదు బహుమతి ఇస్తామని పట్టాలి మక్కల్ కట్చి నాగపట్నం జిల్లా కార్యదర్శి సీతమల్లి పజాని సామి ప్రకటించడం సంచలనమైంది.