ప్రభాస్ 20 వ సినిమాకి ఆసక్తికర టైటిల్

యంగ్ రెబల్ స్టార్ ప్రభాస్ సైలెంట్ గా రెండు చిత్రాలను చకచకా చేసుకుంటూ పోతున్నారు. సుజీత్ దర్శకత్వంలో చేస్తున్న సాహో మూవీకి కొన్ని రోజులు బ్రేక్ ఇచ్చి 20 వ సినిమాని పట్టాలెక్కించారు. జిల్ ఫేమ్ రాధాకృష్ణ దర్శకత్వంలో చేస్తున్న మూవీ షూటింగ్ సెప్టెంబర్ 20 నుంచి ఇటలీలో జరుగుతోంది. ఈ షూటింగ్ లో సెప్టెంబర్ 24 న ప్రభాస్ జాయిన్ అయ్యారు. తొలి షెడ్యూల్ జోరుగా సాగుతోంది. ఈ చిత్రీకరణలో ఆదివారం హీరోయిన్ పూజా హెగ్డే జాయిన్ అయింది. ఇద్దరి మధ్య సన్నివేశాలను తెరకెక్కించనున్నారు. గోపికృష్ణ మూవీస్, యువీ క్రియేషన్స్ సంయుక్తంగా నిర్మిస్తున్న ఈ చిత్రం గురించి ఆసక్తికర విషయం బయటికి వచ్చింది.

1970 నేపథ్యంలో సాగే ఈ ప్రేమకథకి ఫ్రెంచ్‌ టైటిల్‌ను పరిశీలిస్తున్నారని తెలిసింది. ‘అమూర్‌’ (ఫ్రెంచ్‌లో ప్రేమ అని అర్థం) అనే టైటిల్‌ను అనుకుంటున్నారని ఫిలిం నగర్ వాసులు వెల్లడించారు. ఈ సినిమాని ప్రపంచవ్యాప్తంగా రిలీజ్ చేయడానికి ఈ టైటిల్ ఉపయోగపడుతుందని చిత్ర బృందం భావిస్తోంది. ప్రభాస్ అభిమానులనుంచి వ్యతిరేకత రాకుంటే ఈ టైటిల్ నే ఖరారు చేయనున్నారు. విభిన్నమైన కథతో తెరకెక్కుతోన్న ఈ మూవీ 2019 చివ‌ర్లో థియేటర్లోకి రానుంది.