Funky: ‘ఫంకీ’ కోసం త్రివిక్రమ్ మార్పులు

‘సితార ఎంట‌ర్‌టైన్‌మెంట్స్’ అంటే త్రివిక్రమ్ కి హోమ్ బ్యానర్ లాంటిదే అని ప్రత్యేకంగా చెప్పనవసరం లేదు. ఆ బ్యానర్ లో కొత్త సినిమా వస్తుంది అంటే.. త్రివిక్రమ్ ఇన్వాల్వ్మెంట్ కచ్చితంగా ఉంటుంది అనేది కూడా జనాలకి తెలియని విషయం కాదు. కథా చర్చల నుంచి ఎడిటింగ్ టేబుల్ వరకు ‘గురూజీ’ సలహాలు, సూచనలు తప్పనిసరి. ‘అనగనగా ఒక రాజు’ రిలీజ్ కి ముందు త్రివిక్రమ్ కి చూపించడం జరిగింది.

Funky

ఆ సినిమాకి త్రివిక్రమ్ పాజిటివ్ ఫీడ్ బ్యాక్ ఇచ్చిన తర్వాతే రిలాక్స్ అయినట్టు నిర్మాత నాగవంశీ తెలిపిన సంగతి తెలిసిందే. ఒకవేళ సినిమా బాగోకపోతే త్రివిక్రమ్ ఇన్వాల్వ్ అవ్వరు అనేది కూడా ఇండస్ట్రీ టాక్.ఇప్పుడు విశ్వక్ సేన్, డైరెక్టర్ అనుదీప్ కాంబినేషన్‌లో రూపొందిన ‘ఫంకీ’(Funky) ప్రేక్షకుల ముందుకు రాబోతుంది. ఫిబ్రవరి 13న రిలీజ్ కానుంది ఈ సినిమా. అయితే 2 రోజుల ముందు త్రివిక్రమ్ కి చూపించారు నాగవంశీ అండ్ టీమ్.

సినిమా చూసి త్రివిక్రమ్ పాజిటివ్ ఫీడ్ బ్యాక్ చెప్పారట. అలాగే 2,3 కట్లు కూడా చెప్పినట్టు తెలుస్తుంది. దీంతో నాగవంశీ అండ్ టీమ్ మళ్ళీ ఎడిటింగ్ టేబుల్ వద్ద కూర్చొని… మార్పులు చేస్తున్నట్టు సమాచారం. అందుకే ఫిబ్రవరి 12 రాత్రి ప్రీమియర్ షోలు వేసే ఆలోచన కూడా విరమించుకుంది టీమ్. ఎలాగూ ఫిబ్రవరి 14న వాలెంటైన్స్ డే ఉంది. ఫిబ్రవరి 15న శివరాత్రి ఉంది. సో ఓపెనింగ్స్ విషయంలో కూడా ఢోకా ఉండదు అనేది త్రివిక్రమ్ ఇచ్చిన సలహా కావచ్చు.

 ‘ది పారడైజ్’ ఏకంగా 4 నెలలు వెనక్కా?