Game Changer: గేమ్ ఛేంజర్.. బుకింగ్స్ లో సడన్ ట్విస్ట్?

రామ్ చరణ్ ప్రధాన పాత్రలో శంకర్ తెరకెక్కించిన గేమ్ ఛేంజర్ (Game Changer) మొదటి రోజు భారీ వసూళ్లతో దూసుకెళ్లినప్పటికీ, రెండవ రోజు పరిస్థితి పూర్తిగా మారిపోయినట్లు కనిపిస్తోంది. తొలి రోజున తెలుగు రాష్ట్రాల్లో రికార్డు ఓపెనింగ్స్ అందుకున్న ఈ సినిమా, అడ్వాన్స్ బుకింగ్స్ పరంగా రెండవ రోజు వెనకబడి ఉన్నట్లు ట్రేడ్ విశ్లేషకుల డేటా చెబుతోంది.

Game Changer

హైదరాబాద్‌లో 908 షోల కోసం కేవలం రూ. 2.4 కోట్ల మాత్రమే బుకింగ్స్ జరగడం ఆందోళనకరం. ఆక్యుపెన్సీ 24.5% మాత్రమే ఉండడం టాక్‌ను ప్రతిబింబిస్తోంది. బెంగళూరులో పరిస్థితి మరింత దిగజారినట్లుగా ఉంది, 703 షోల కోసం కేవలం 70 లక్షల బుకింగ్స్ రావడం, ఆక్యుపెన్సీ 10.1% మాత్రమే ఉండటం, నెగటివ్ టాక్ బాగా ప్రభావం చూపుతోందని స్పష్టమవుతోంది.

విశాఖపట్నం మాత్రం కొంచెం బెటర్‌గా ఉందని చెప్పాలి. 253 షోల కోసం రూ. 73 లక్షల బుకింగ్స్ నమోదవ్వగా, 30% ఆక్యుపెన్సీ ఉంది. విజయవాడలో 169 షోల కోసం కేవలం రూ. 35 లక్షల బుకింగ్స్ మాత్రమే రాగా, 19.8% ఆక్యుపెన్సీ ఉందని తెలుస్తోంది. గుంటూరులో 42 షోలకుగాను రూ. 10 లక్షలు మాత్రమే నమోదు కావడం, ఆక్యుపెన్సీ 40.5% స్థాయిలో నిలవడం కొంత మెరుగైన పరిస్థితిని సూచిస్తోంది.

ఒంగోలు ప్రాంతంలో 33 షోలకుగాను కేవలం రూ. 8 లక్షల బుకింగ్స్ రావడం, ఆక్యుపెన్సీ 15.6% మాత్రమే ఉండటం, రెండు రోజులకే సినిమా పట్ల ఆసక్తి తగ్గిపోతున్న సంకేతాలను ఇస్తోంది. తొలి రోజుతో పోలిస్తే ఈ స్థాయి తగ్గుదల, రెండవ రోజు కలెక్షన్లను నేరుగా ప్రభావితం చేసే అవకాశం ఉంది. సినిమా టీమ్ ప్రస్తుతానికి ప్రమోషన్స్‌ను ముమ్మరం చేయాల్సిన అవసరం ఉంది. బుకింగ్స్ డ్రాప్‌ను కాపాడుకోలేకపోతే, బాక్సాఫీస్‌పై తీవ్రంగా ప్రభావం పడవచ్చని ట్రేడ్ వర్గాలు అభిప్రాయపడుతున్నాయి.

‘గేమ్ ఛేంజర్’ రెండో రోజు ఎంత వరకు కలెక్ట్ చేసే అవకాశం ఉంది?