‘గాలి నాగేశ్వరరావు’ అంటూ మొదలై ‘జిన్నా’గా మారిపోయింది మంచు విష్ణు సినిమా. మరో ఐదు రోజుల్లో ఈ హారర్‌ కామెడీ సినిమా థియేటర్లలో అలరించడానికి రాబోతోంది. అయితే గతంలో ఓ సినిమా ‘జిన్నా’గా మొదలై పేరు మార్చుకుందని తెలుసు. ఈ విషయం మంచు విష్ణునే చెప్పాడు. ఓ మీడియాతో మాట్లాడుతూ గతంలో ఓ సినిమాకు ‘జిన్నా’ అనే పేరు అనుకున్నామని కానీ.. ఆఖరుకు పేరు మార్చామని చెప్పాడు. అయితే ఇది జరిగి 15 ఏళ్లు అయిపోయిందట.
15 ఏళ్లు అంటే ఆ సినిమా ఏంటో మీరు అర్థం చేసుకోవచ్చు. అదే విష్ణు కెరీర్లో బిగ్గెస్ట్‌ హిట్ అయిన ‘ఢీ’. శ్రీను వైట్ల తెరకెక్కించిన ఈ సినిమాకు ‘జిన్నా’ అనే పేరు అనుకున్నారట. చాలావరకు ఈ పేరుకు అంతా ఓకే అనుకుంటుండగా.. వద్దులే అనుకుని ‘ఢీ’ అని పెట్టారట. ఆ సినిమాలో హీరో పేరు బబ్లూ కావడం వల్లే సినిమాను పేరు మార్చేశామని మంచు విష్ణు ఓ ఇంటర్వ్యూలో చెప్పుకొచ్చాడు. మళ్లీ ఇన్నాళ్లకు ఆ పేరు తన సినిమాకు పెట్టుకునే అవకాశం వచ్చిందని క్లారిటీ ఇచ్చాడు విష్ణు.
ఇక ‘జిన్నా’ అంటే గాలి నాగేశ్వరరావు అనుకుంటున్నారేమో.. అదొక్కటే కాదు ఇంకొకటి కూడా ఉందని చెబుతున్నాడు మంచు విష్ణు. ఈ మేరకు ట్విటర్‌లో ఓ నెటిజన్‌ పెట్టిన ట్వీట్‌కి రిప్లై ఇచ్చాడు విష్ణు. “జిన్నా అంటే లోడ్ చేసిన గన్… టచ్ చేస్తే దీపావళే” అని చెప్పుకొచ్చాడు విష్ణు. ఈ దీపావళికి ‘జిన్నా’ పర్ఫెక్ట్ ట్రీట్ అన్నట్టు విష్ణు చెబుతున్నాడు. ఈ సినిమా ప్రచారంలో, పోస్టర్లలో సన్నీ లియోన్‌ని ముందుంచి మరీ ప్రమోట్‌ చేస్తున్నారు ‘జిన్నా’ టీమ్‌.
హారర్‌ కామెడీలకు కాలం చెల్లింది అని అనుకుంటున్న తరుణంలో ఈ హారర్‌ కామెడీ ఏం చేస్తుందో చూడాలి. దీపావళికి అంతో కొంతో పేరున్న సినిమా ఇదొక్కటే. థియేటర్లు కూడా బాగా అందుబాటులో ఉంటాయి. మరి విష్ణు వచ్చి ఏం పటాకులు పేలుస్తాడో చూడాలి.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
Home