మాస్ మసాలా కమర్షియల్‌ సినిమా… అందులోనూ స్టార్ హీరో నటించిన కమర్షియల్‌ సినిమా… ఇందులో ఓ సోషల్ ఇష్యూను చూపించడం, దాని గురించి డిస్కస్‌ చేయడం చాలా పెద్ద విషయం. దీనికి చాలా ధైర్యం కావాలి. ఆ పనే చాలా చక్కగా చేసి చూపించారు దర్శకుడు అనిల్‌ రావిపూడి. నందమూరి బాలకృష్ణ, శ్రీలీల ప్రధాన పాత్రల్లో రూపొందిన ‘భగవంత్ కేసరి’ సినిమాలో చిన్నారుల మీద జరుగుతున్న దాడుల గురించి చర్చించారు. ఇంత మంచి విషయాన్ని వెగటు కలిగించేలా కొంతమంది నెటిజన్లు చేస్తున్నారు.
‘భగవంత్ కేసరి’ (Bhagavanth Kesari) సినిమా రిలీజ్‌ అయిన తర్వాత అందరూ ఆ సినిమాలో సన్నివేశాలు, ఘనతలు, వసూళ్లు అంటూ మాట్లాడుకున్నారు. కానీ కొంతమంది అభిమానులు అని చెప్పుకునే నెటిజన్లు ఆ సినిమాలో కీలక విషయమైన ‘బ్యాడ్‌ టచ్‌’ అనే టాపిక్‌ గురించి సోషల్ మీడియాలో చర్చించడం స్టార్ట్‌ చేశారు. ఫలానా హీరో అలా బ్యాడ్‌ టచ్‌ చేశాడు, ఇలా చేశాడు అంటూ ఫొటోలు, వీడియోలు షేర్‌ చేస్తూ రచ్చ మొదలుపెట్టారు. దీంతో ఆయాన హీరోల అభిమానులు తిరిగి బాలయ్య ఫొటోలు, వీడియోలు షేర్‌ చేయడం స్టార్ట్‌ చేశారు.
ఫలానా సినిమా ఫంక్షన్‌లో మీ హీరో ఇలా చేశాడు అని ఒకరు అంటే… మరి మీ హీరో ఏమన్నా తక్కువ తిన్నాడా అంటూ ఇంకేదో సినిమా ఫంక్షన్‌లోని ఫొటోను షేర్‌ చేశారు. దీంతో ఈ విషయం చినికి చినికి గాలివానలా మారింది అని చెప్పొచ్చు. పాత ఫొటోలు, వీడియోలు, సరదా చేష్టలు ఇలా చాలా విషయాలు సోషల్ మీడియాలో వైరల్ అవుతున్నాయి. దీంతో వాటిని చూసిన సగటు ప్రేక్షకులు ‘ఏంటీ రచ్చా.. పనీ పాటా లేకుండా’ అంటూ విసుక్కుంటున్నారు.
సినిమా వాళ్లు తెర మీద చేసినా, ప్రచార కార్యక్రమాల్లో చేసినా దాని కంటూ ఓ లెక్క ఉంటుందని, ఊరికనే అసలు విషయం తెలియకుండా ఇలా బురద చల్లుకోవడం వల్ల వచ్చే ఉపయోగం లేదు అనేది తటస్థుల వాదన. మరి ఆ అభిమానులు (?) ఏం చేస్తారో చూడాలి.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
