Seetimaarr: ‘సీటీమార్’ కి ఫస్ట్ ఛాయిస్ గోపీచంద్ కాదు.. ఆ ఎనర్జిటిక్ హీరో అట..!

గోపీచంద్,తమన్నా హీరో హీరోయిన్లుగా సంపత్ నంది దర్శకత్వంలో తెరకెక్కిన చిత్రం ‘సీటీమార్’. పవన్‌ కుమార్ స‌మ‌ర్పణ‌లో ‘శ్రీనివాసా సిల్వర్‌ స్క్రీన్‌’ బ్యానర్ పై శ్రీనివాసా చిట్టూరి ఈ చిత్రాన్ని నిర్మించారు. గతంలో గోపీచంద్- సంపత్ నంది కాంబినేషన్లో ‘గౌతమ్ నంద’ అనే మూవీ వచ్చింది. అది ప్రేక్షకులను అంతగా ఆకట్టుకోలేకపోయింది. అయినప్పటికీ మంచి హిట్టు కొట్టాలని కసితో ‘సీటీమార్’ చేశారు గోపీచంద్- సంపత్ నంది. హిప్పీ బ్యూటీ దిగంగన సూర్య వంశీ, భూమిక వంటి వారు కూడా ఈ చిత్రంలో కీలక పాత్రలు పోషిస్తున్నారు.

ఇటీవల విడుదలైన ట్రైలర్ కూడా ప్రేక్షకులను ఆకట్టుకుంది.ఈ చిత్రంతో హిట్టు కొట్టి కంబ్యాక్ ఇస్తాడు గోపీచంద్.. అంటూ ప్రేక్షకులతో పాటు ఇండస్ట్రీ వర్గాలు కూడా భావిస్తున్నాయి. ఇదిలా ఉండగా.. ఈ చిత్రానికి మొదటి ఛాయిస్ గోపీచంద్ కాదట. మొదట ఈ కథని వేరే హీరోకి వినిపించాడట దర్శకుడు సంపత్ నంది. ఆ హీరో రామ్ పోతినేని అని సమాచారం. రామ్ కు ఈ కథ నచ్చినప్పటికీ కోచ్ గా చేయడానికి ఓ పెద్ద హీరో అయితే బాగుంటుందని.. తన ఏజ్ కి ఈ పాత్ర సెట్ అవదని పక్కన పెట్టాడట.

దర్శకుడు సంపత్ కూడా ఆ విషయం మర్చిపోయి రామ్ ను సంప్రదించినట్టు రియలైజ్ అయ్యాడట. తర్వాత ఈ కథని రాంచరణ్ కు వినిపించమని కూడా ఇండస్ట్రీలో కొంతమంది సన్నిహితులు సంపత్ కు చెప్పారట. కానీ రాంచరణ్ ను ఈ పాత్రలో ఊహించుకోలేకపోతున్నట్టు సంపత్ వారికి బదులిచ్చాడట. చివరాఖరికి గోపీచంద్ కు చెప్పడం.. అతను ఓకే చేయడం జరిగిందని తెలుస్తుంది.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!