Hangman Review in Telugu: హ్యాంగ్మెన్ సినిమా రివ్యూ & రేటింగ్!

దీనికోసం తలారి అయిన శివయ్యను రంగంలోకి దింపుతుంది జైల్లో ఉన్న పోలీస్ సిబ్బంది.అయితే జ్యోత్స్నను లైంగికంగా వేధించి చంపేశారని తెలిసిన శివయ్య తీవ్ర భావోద్వేగానికి లోనవుతాడు. ఎందుకంటే చూడటానికి ఆమె సరిగ్గా తన కూతురిలాగే ఉండటంతో, మొదట బస్టాండ్‌లో ఆమె కనిపించినప్పుడు శివయ్య అదే పనిగా చూస్తాడు. కానీ జ్యోత్స్న దాన్ని వేరే విధంగా అర్థం చేసుకుంటుంది. జ్యోత్స్న జీవితాన్ని నాశనం చేసిన ఆ నలుగురిని ఉరి తీసే ముందు, వారి ద్వారా సమాజంలో ఉన్న యువత అందరికీ ఓ గుణపాఠం చెప్పాలని శివయ్య ఓ డేరింగ్ స్టెప్ వేస్తాడు. అదేంటి? దానివల్ల శివయ్యతో పాటు అతని కొడుకు శంకర్ (సన్నీ పల్లె), భార్య గంగ (సురభి ప్రభావతి) జీవితాలు ఏమయ్యాయి? అనేది మిగిలిన కథ.

నటీనటుల పనితీరు: సీనియర్ నటుడు బ్రహ్మాజీ ఎలాంటి పాత్రనైనా అవలీలగా ఓన్ చేసుకుంటాడు. అయితే ‘హ్యాంగ్ మెన్’ లో అతను చాలా సెటిల్డ్ గా నటించి.. తనని తాను కొత్తగా ఆవిష్కరించుకునే ప్రయత్నం చేశాడు. ఎక్కడా కూడా అతని నటన ఓవర్ ది టాప్ అన్నట్టు ఉండదు. పర్ఫెక్ట్ లీడ్ అనిపించుకున్నాడు. సురభి ప్రభావతి ఎప్పటిలానే తన పాత్రకి పర్ఫెక్ట్ ఛాయిస్ అనిపించుకుంది. కొడుకు పాత్రలో సన్నీ పల్లె బాగానే సెట్ అయ్యాడు. బాగానే చేశాడు. వంశీధర్ గౌడ్ మినహా మిగతా వాళ్లంతా ఎక్కువ శాతం కొత్తవాళ్లే కావడంతో వాళ్ళ పాత్రలు అంతగా రిజిస్టర్ కావు.

సాంకేతిక నిపుణుల పనితీరు: తలారి వ్యవస్థ అనేది ఒకటి ఉందని చాలా మందికి తెలీదు. ముఖ్యంగా జెన్-జి కిడ్స్‌కి దీనిపై అస్సలు అవగాహన ఉండకపోవచ్చు. ఈ నేపథ్యంలో ఓ కథను చెప్పాలనుకున్న దర్శకుడు విహాన్‌ ప్రయత్నాన్ని ప్రత్యేకంగా అభినందించాలి. కాటికాపరుల మాదిరిగానే ఈ తలారులు కూడా ఒకేలా ఉంటారేమో అని అంతా అనుకుంటారు. కానీ తలారుల ఆలోచనా శైలి ఎలా ఉంటుంది? ఒకరిని ఉరి తీసిన తర్వాత వారి మానసిక స్థితి ఎలా ఉంటుంది? వారిని, వారి వృత్తిని ఉన్నతాధికారులు ఎంత తక్కువ చేసి చూస్తారు? వంటి విషయాలను దర్శకుడు చాలా క్లుప్తంగా వివరించాడు. ఒక్కో వ్యక్తిని ఉరి తీసేందుకు వీరికి కేవలం రూ. 25 ఇస్తారట. ఈ విషయాన్ని బట్టి దర్శకుడు ఈ కథ కోసం ఎంత రీసెర్చ్ చేశాడో అర్థం చేసుకోవచ్చు.

‘మనుషులను చంపడం తప్ప బాధపెట్టడం అనేది మా పనికాదు’ అంటూ ఓ సందర్భంలో బ్రహ్మాజీ పాత్రతో చెప్పించిన డైలాగ్లో చాలా డెప్త్ ఉంది. క్లైమాక్స్ లో ఇచ్చిన మెసేజ్ కూడా బాగుంది. కాకపోతే బడ్జెట్ సమస్యల వల్ల కాబోలు.. సరైన క్యాస్టింగ్, ప్రొడక్షన్ వాల్యూస్ లేవు. అందువల్లే డైరెక్టర్ టాలెంట్ పూర్తిగా బయటపడలేదు అని చెప్పాలి. ఈ కథను ఇంకాస్త బెటర్ ఇమేజ్ ఉన్న నటీనటులతో తీసి ఉంటే.. కచ్చితంగా బెటర్ రీచ్ ఉండేదేమో. సినిమాటోగ్రఫీ, బ్యాక్ గ్రౌండ్ స్కోర్ అన్నీ సో సోగానే ఉన్నాయి. సినిమా నిడివి గంటన్నర లోపే ఉండటం ఓ ప్లస్ పాయింట్‌గా చెప్పుకోవాలి.

విశ్లేషణ: ‘హ్యాంగ్ మెన్’ తో  ‘తలారి’ వ్యవస్థ గురించి ఈ తరానికి వివరించే గొప్ప ప్రయత్నం చేశారు. కానీ ఇంతకు ముందు చెప్పుకున్నట్టు బెట్టర్ క్యాస్టింగ్, బెట్టర్ ప్రొడక్షన్ వాల్యుస్ ఉంటే దీని స్థాయి మరోలా ఉండేది. ప్రస్తుతానికి అయితే ఇదొక మంచి ప్రయత్నమని మాత్రమే సరిపెట్టగలం.

ఫోకస్ పాయింట్: హానెస్ట్ అటెంప్ట్

రేటింగ్: 2.5/5