నవాజుద్దీన్ సిద్ధిఖీతో టాలీవుడ్ డైరెక్టర్ సినిమా!

July 24, 2022 / 10:12 PM ISTByFilmy Focus

Join Us

నవాజుద్దీన్ సిద్ధిఖీతో టాలీవుడ్ డైరెక్టర్ సినిమా!

‘అందాల రాక్షసి’ సినిమాతో టాలీవుడ్ లో దర్శకుడిగా ఎంట్రీ ఇచ్చారు హనురాఘవపూడి. మొదటి సినిమాతోనే మంచి ఫేమ్ సంపాదించారు. ఆ తరువాత ‘కృష్ణగాడి వీర ప్రేమ గాధ’, ‘పడిపడి లేచే మనసు’ వంటి లవ్ స్టోరీస్ ను తెరకెక్కించారు. యూత్ కి కనెక్ట్ అయ్యేలా సినిమాలు తీస్తుంటారు ఈ దర్శకుడు. ప్రస్తుతం ఆయన డైరెక్ట్ చేసిన ‘సీతారామం’ సినిమా విడుదలకు సిద్ధమవుతోంది. దుల్కర్ సల్మాన్, మృణాల్ ఠాకూర్, రష్మిక నటించిన ఈ సినిమా ఆగస్టు 5న ప్రేక్షకుల ముందుకు రానుంది.

ఈ సినిమా తరువాత హను రాఘవపూడి ఎలాంటి సినిమాలు చేయబోతున్నారనే విషయం క్లారిటీ వచ్చింది. నిజానికి అక్కినేని అఖిల్ తో హను సినిమా తీస్తారని మాటలు వినిపించాయి. ప్రస్తుతానికి ఈ ప్రాజెక్ట్ హోల్డ్ లో పడింది. ఇదిలా ఉండగా.. హను రాఘవపూడి ఓ బాలీవుడ్ సినిమా ఓకే చేసినట్లు తెలుస్తోంది. సన్నీ డియోల్, నవాజుద్దీన్ సిద్ధిఖీ ప్రధాన పాత్రల్లో హను రాఘవపూడి బాలీవుడ్ లో ఓ యాక్షన్ ఎంటర్టైనర్ తీయబోతున్నారట.

దీనికంటే ముందుగా అమెజాన్ ప్రైమ్ కోసం ఓ వెబ్ సిరీస్ చేయబోతున్నారని తెలుస్తోంది. ఈ రెండు ప్రాజెక్ట్స్ కూడా డిఫరెంట్ కాన్సెప్ట్ తో తెరకెక్కించనున్నారు. ఈ రెండు కమిట్మెంట్స్ పూర్తయితే కానీ హను రాఘవపూడి మరో తెలుగు సినిమా తీయలేరు. అంటే ‘సీతారామం’ హిట్ అయినా కూడా హనుకి తెలుగులో బ్రేక్ రావడం ఖాయం.

వైజయంతీ మూవీస్ బ్యానర్ లో తెరకెక్కిన ఈ సినిమాపై కొన్ని అంచనాలు ఏర్పడ్డాయి. పైగా సినిమాలో టాలెంటెడ్ ఆర్టిస్టులంతా కనిపిస్తుండడంతో బజ్ క్రియేట్ అయింది. మరి ఈ సినిమాతో హను రాఘవపూడి ఎలాంటి సక్సెస్ అందుకుంటారో చూడాలి!