‘మత్తు వదలరా ‘ తో చిత్రంతో ప్రేక్షకులను బాగా ఎంజాయ్ చేయించాడు దర్శకుడు రితేష్ రాణా. అతని దర్శకత్వంలో తెరకెక్కుతున్న రెండో చిత్రం ‘హ్యాపీ బర్త్ డే’. హీరోయిన్ లావణ్య త్రిపాఠి ప్రధాన పాత్రలో తెరకెక్కుతున్న ఈ చిత్రంలో నరేష్ అగస్త్య, సత్య, వెన్నెల కిషోర్, గుండు సుదర్శన్ కీలక పాత్రలు పోషిస్తున్నారు. జూలై 8న ఈ చిత్రం గ్రాండ్ గా రిలీజ్ కాబోతుంది. విడుదల తేదీ దగ్గర పడుతుండడంతో ప్రమోషన్స్ ను వేగవంతం చేశారు.
ఈ మధ్యనే టీజర్ రిలీజ్ చేశారు. దానికి ఓ మాదిరి రెస్పాన్స్ లభించింది. తాజాగా ట్రైలర్ ను కూడా విడుదల చేశారు.దర్శక ధీరుడు రాజమౌళి చేతుల మీదుగా ఈ చిత్రం ట్రైలర్ ను లాంచ్ చేశారు మేకర్స్. సరియల్ కామెడీ జోనర్ లో ఈ చిత్రం తెరకెక్కింది అని ట్రైలర్ ఆరంభంలోనే తెలియజేసారు. ట్రైలర్ మొత్తం ఓ లైటర్ కోసం సాగే కథ ఇది. అంత స్పెషాలిటీ ఆ లైటర్ లో ఏముంది.దాని కోసం కొన్ని గ్యాంగ్స్ కొట్టుకోవడం ఏంటి? అనే ఆసక్తిని రేపుతూ ట్రైలర్ ను కట్ చేశారు.
‘మత్తు వదలరా’ చిత్రం ప్రారంభం నుండి క్లైమాక్స్ వరకు చాలా ఇంట్రెస్టింగ్ గా ఉంటుంది. కానీ క్లైమాక్స్ మాత్రం వీక్ గా ఉంటుంది. అందరి సహనానికి పరీక్ష కూడా పెడుతుంది. సరిగ్గా ‘హ్యాపీ బర్త్ డే’ ట్రైలర్ కూడా అదే ఫీలింగ్ ని కలిగించింది. ఈ ట్రైలర్ పెద్ద ఆసక్తిగా అయితే లేదు. ఇందులో కామెడీ డోస్ చాలా ఎక్కువైనట్టు అనిపించింది. ఇక ‘మత్తు వదలరా’ సినిమాలో సీరియల్ ట్రాక్ ఎంత ఫేమస్ అయ్యిందో అందరికీ తెలిసిందే.
ఆ క్యారెక్టర్ లను కూడా ఈ మూవీలో వాడినట్టు ట్రైలర్ క్లైమాక్స్ ద్వారా స్పష్టమవుతుంది. అదొక్కటే ట్రైలర్ కి హైలెట్ అనిపించే అంశం. ఇక ‘మైత్రీ మూవీ మేకర్స్’ వారు క్లాప్ ఎంటర్‌టైన్‌మెంట్ సంస్థతో కలిసి ఈ చిత్రాన్ని నిర్మించారు. నవీన్ ఎర్నేని, రవిశంకర్ యలమంచిలి సమర్పణలో చిరంజీవి (చెర్రీ), హేమలత పెదమల్లు ఈ చిత్రాన్ని నిర్మించారు. కాలభైరవ ఈ చిత్రానికి సంగీతం అందించాడు. జూలై 8న ఈ చిత్రం విడుదల కాబోతుంది.
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
