పవన్ – హరీష్ ల రెండో సినిమా కూడా అదే తరహాలో?

పవర్ స్టార్ పవన్ కళ్యాణ్ ‘వకీల్ సాబ్’ చిత్రంతో తిరిగి సినిమాల్లోకి రీ ఎంట్రీ ఇవ్వబోతున్న సంగతి తెలిసిందే. వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్ కలిసి నిర్మిస్తున్నారు. ఈ చిత్రంతో పాటు మరో రెండు చిత్రాలకు కూడా పవన్ ఓకే చెప్పాడు. అందులో ఒకటి క్రిష్ డైరెక్షన్లో కాగా మరొకటి హరీష్ శంకర్ డైరెక్షన్లో అన్న సంగతి కూడా అందరికీ తెలిసిందే. అయితే ఈ మూడు ప్రాజెక్టులలో.. పవన్ – హరీష్ కాంబోలో తెరకెక్కబోయే సినిమా పైనే అందరికీ ఎక్కువ ఆసక్తి ఉందని చెప్పాలి.

ఎందుకంటే గతంలో వీరిద్దరి కాంబినేషన్లో ‘గబ్బర్ సింగ్’ వంటి బ్లాక్ బస్టర్ చిత్రం తెరకెక్కింది కాబట్టి..! వరుస ప్లాప్స్ తో సతమతమవుతున్న పవన్ కళ్యాణ్ కు ఆ చిత్రం పెద్ద రిలీఫ్ ఇచ్చింది. ఫ్యాన్స్ ఆకలి కూడా తీర్చింది. సరే ఈ విషయాన్ని పక్కన పెడితే.. ‘గబ్బర్ సింగ్’ చిత్రంలో పవన్ కళ్యాణ్ ను పోలీస్ గా చూపించి ఎంటర్టైన్ చేసిన హరీష్.. ఇప్పుడు చెయ్యబోయే సినిమాలో కూడా పవన్ ను పోలీస్ గానే చూపించబోతున్నాడట.

అయితే ‘గబ్బర్ సింగ్’.. ‘దబాంగ్’ రీమేక్ కాగా.. ఇప్పుడు చేయబోయేది స్ట్రైట్ తెలుగు సినిమా కావడం విశేషం.ఈ చిత్రంలో కూడా కబడ్డీ, అంత్యాక్షరి వంటి ఎపిసోడ్స్ ఉంటాయని టాక్. ‘మైత్రి మూవీ మేకర్స్’ వారు నిర్మిస్తున్న ఈ చిత్రం ఈ పాటికే సెట్స్ పైకి వెళ్లాల్సి ఉంది. కానీ వైరస్ మహమ్మారి వల్ల కుదర్లేదు.

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!