ఒక్క పాటతో ఎనలేని నెగిటివిటీ తెచ్చుకున్న సినిమా ఏదైనా ఉంది అంటే అది కచ్చితంగా ‘పఠాన్‌’ మాత్రమే. షారుఖ్ ఖాన్‌ – దీపికా పడుకొణె జంటగా నటించిన ఈ సినిమాలోని ‘భేషరమ్‌ రంగ్…’ అనే పాట ఇలా వచ్చిందో లేదో అలా ‘బాయ్‌కాట్‌ బ్యాచ్‌’ రెడీ అయిపోయారు. ఏకంగా ఆ పాట చూసి సినిమాను బ్యాన్‌ చేయాలి అంటూ నినాదాలు, చర్చలు, రచ్చలు జరిగాయి. అనుకున్నట్లే సినిమాను సెన్సార్‌ ముందుకు తీసుకెళ్తే కొన్ని కట్స్‌ వచ్చాయి. తాజాగా సినిమా సెన్సార్‌ పూర్తయింది. ఈ నేపథ్యంలో కట్స్‌ లిస్ట్ బయటకు వచ్చింది.
నాలుగేళ్ల తర్వాత బాలీవుడ్‌ బాద్‌షా షారుఖ్ ఖాన్‌ ‘పఠాన్‌’ సినిమాతో వస్తున్నాడు. ప్రొఫెషనల్‌గా, పర్సనల్‌గా చాలా ఇబ్బందులు పడ్డాక చేసిన సినిమా ఇది. గణతంత్ర దినోత్సవం సందర్భంగా జనవరి 25న ఈ సినిమాను ప్రేక్షకుల ముందుకు తీసుకొస్తున్నారు. సినిమాను ఇటీవల చూసిన సెన్సార్‌ బోర్డు యూ/ఏ సర్టిఫికెట్‌ ఇచ్చింది. సినిమా రన్‌టైమ్‌ 146.16 నిమిషాలు అంటే 2గంటల 26 నిమిషాల 16 సెకన్లు అన్నమాట. దీంతోపాటు కొన్ని కట్స్‌ కూడా చెప్పిందట.
ముందుగా చెప్పినట్లు సినిమాలోని ‘బేషరమ్‌’ పాటకు సోషల్‌ మీడియాకు పెద్ద ఎత్తున విమర్శలు వచ్చాయి. ఆ పాటలో దీపికా పడుకొణె అందాల ఆరబోతపై తీవ్ర విమర్శలు వచ్చాయి. ఆ పాట సినిమాలో ఉంటుందా? ఉంచుతారా? అంటూ పెద్ద ఎత్తున చర్చలే జరిగాయి. అలాంటటి పాటలో సెన్సార్‌ బోర్డు మూడు కట్స్‌ చెప్పిందట. దీపిక గోల్డెన్‌ స్విమ్‌ సూట్‌లో ఉన్న మూడు క్లోజప్‌ షాట్స్‌ తొలగించమని సూచించిందట. అలాగే ఆ పాటలో డ్యాన్స్‌ మూమెంట్స్‌లో మార్పులు చేయమన్నారట.
ఆ పాట సంగతి పక్కనపెడితే సినిమా మొత్తంలో పది కట్స్‌ చెప్పారని సమాచారం. సంభాషణల విషయంలోనూ కొన్ని మార్పులు సూచించారట. సినిమా రిలీజ్‌ సమయానికి ఆ మార్పులు చేస్తామని సెన్సార్‌ బోర్డుకు యశ్‌రాజ్‌ టీమ్‌ చెప్పిందట. ఆ లెక్కన సినిమాకు రీషూట్లు, రిపేర్లు చాలానే ఉన్నాయంటున్నారు. సినిమా విడుదలకు ఇంకా వారమే ఉంది. దీంతో టీమ్‌ హర్రీబర్రీగా ఉంది అంటున్నారు.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home