Kubera: కుబేర విషయంలో హీరో అప్సెట్.. సమస్య ఏమిటంటే..!

శేఖర్ కమ్ముల (Sekhar Kammula)  దర్శకత్వంలో ధనుష్ (Dhanush) హీరోగా ప్రతిష్ఠాత్మకంగా తెరకెక్కుతున్న సినిమా కుబేర (Kubera) . అయితే, ఈ భారీ బడ్జెట్ సినిమా అనేక కారణాలతో గత రెండేళ్లుగా నిర్మాణ దశలోనే నిలిచిపోయింది. మొదటికన్నా ఎక్కువ స్థాయిలో సినిమాను మెరుగ్గా మలచాలని శేఖర్ కమ్ముల తీవ్రంగా శ్రమిస్తున్నప్పటికీ, అనుకోని సవాళ్లు చిత్ర బృందాన్ని తరచుగా ఇబ్బందుల్లో పడేస్తున్నాయి. తాజాగా మరో సమస్య చిత్రాన్ని మరోసారి ఆలస్యం చేసేందుకు కారణమైంది. సినిమా నిర్మాణంలో ఊపందుకున్న సమయంలో, హీరోయిన్ రష్మిక మందన్నకు (Rashmika Mandanna)  జిమ్ వర్కౌట్ చేస్తూ గాయం కావడం చిత్ర బృందానికి పెద్ద అడ్డంకిగా మారింది.

Kubera

వైద్యులు రష్మికకు పూర్తి విశ్రాంతి సూచించడంతో, ఆమెకు సంబంధించిన కీలక సన్నివేశాలు నిలిచిపోయాయి. ఈ పరిస్థితి సినిమా షూటింగ్ ప్రణాళికలను పూర్తిగా దెబ్బతీసింది. రష్మిక గాయపడ్డ దశలో కుబేర చిత్ర బృందం తాత్కాలికంగా షూటింగ్‌ను ఆపేసినట్టు సమాచారం. ఆమె కోలుకోవడానికి కనీసం ఒక నెల సమయం పడుతుందని వైద్యులు చెబుతున్నారు. ఇదే సమయంలో, హీరో ధనుష్ ఈ వాయిదాలతో తీవ్రంగా అసహనానికి గురవుతున్నట్టు తెలుస్తోంది.

తన డేట్స్‌ను క్రమబద్ధంగా ప్లాన్ చేసుకునే ధనుష్, ఈ సినిమాకి అనుకున్న దానికంటే ఎక్కువ సమయం కేటాయించాల్సి వచ్చింది. వాయిదాల కారణంగా ఆయన ఇతర ప్రాజెక్టులపై ప్రభావం పడటంతో, ప్రస్తుతం భవిష్యత్తు షెడ్యూల్ పట్ల సందిగ్ధంలో ఉన్నారు. కుబేర సినిమా ఆలస్యం వల్ల చిత్ర యూనిట్ ముందు అనేక సవాళ్లు నిలిచాయి. ఒకవైపు కథకు, ప్రొడక్షన్ వాల్యూస్‌కి ఎలాంటి రాజీ పడకుండా సినిమాను కంప్లీట్ చేయాలని మేకర్స్ ప్రయత్నిస్తుండగా, మరోవైపు అనుకోని ఇబ్బందులు ప్రతిసారీ కొత్త చిక్కులు తెస్తున్నాయి.

రష్మిక పాత్రకు సంబంధించిన కీలకమైన పాటలు, యాక్షన్ సన్నివేశాలు ఇంకా పూర్తవ్వాల్సి ఉంది. ఈ కారణంగా సినిమా వేసవిలో విడుదల కాని పరిస్థితి ఏర్పడింది. ఇలాంటి పరిస్థితుల్లో, కుబేర సినిమా విడుదలకు సంబంధించి ఇప్పటికైనా కొంత స్పష్టత వచ్చే అవకాశం ఉందా లేదా అన్నదానిపై సినీ వర్గాల్లో చర్చ కొనసాగుతోంది.