Hero Nani: ‘జై భీమ్’ లాంటి సినిమాలు తెలుగు ప్రేక్షకులకు చూపించాలి: నాని

June 8, 2022 / 09:56 AM ISTByFilmy Focus

Join Us

Hero Nani: ‘జై భీమ్’ లాంటి సినిమాలు తెలుగు ప్రేక్షకులకు చూపించాలి: నాని

‘జై భీమ్’.. సూర్య హీరోగా తెరకెక్కిన మూవీ ఇది. టి.జె. జ్ఞానవేల్ దర్శకత్వం వహించిన ఈ చిత్రం గత ఏడాది అంటే 2021 నవంబర్ 2 న నేరుగా ‘అమెజాన్ ప్రైమ్ వీడియో’లో విడుదలైంది. ‘2డి ఎంటర్‌టైన్‌మెంట్స్‌’ బ్యానర్ పై సూర్య, జ్యోతిక దంపతులు.. ఈ చిత్రాన్ని నిర్మించడం జరిగింది. జస్టిస్ కె చంద్రు వాదించిన ఓ కేసు ఆధారంగా ఈ చిత్రం తెరకెక్కింది. ఈ సినిమాలో ఒక్క ఫైట్ ఉండదు..

యాక్షన్ ఎపిసోడ్స్ ఉండవు కానీ గూజ్ బంప్స్ తెప్పించే సన్నివేశాలు చాలానే ఉంటాయి. సూర్య ఈ చిత్రంలో తన నట విశ్వరూపాన్ని చూపించాడు. ఆదివాసీయుల జీవిత శైలిని వారి పట్ల పోలీసులు కిరాతకంగా వ్యవహరించే తీరు ఇందులో కళ్ళకు కట్టినట్టు చూపించారు. ఈ సినిమాలో చాలా సన్నివేశాలు మనల్ని సినిమా చూశాక కూడా వెంటాడతాయి అనడంలో అతిశయోక్తి లేదు. స్క్రీన్ ప్లే కూడా చాలా విభిన్నంగా ఉంటుంది. అదే సమయంలో సహజత్వానికి దగ్గరగా.. అన్ని వర్గాల ప్రేక్షకులను అలరించే విధంగా ఉంటుంది.

అయితే ఈ చిత్రం పై మన నేచురల్ స్టార్ నాని మనసు పారేసుకున్నాడు. ‘అంటే సుందరానికీ!’ ప్రమోషన్లలో భాగంగా.. ‘మీకు ఇంకా ఎలాంటి పాత్రలు చేయాలని ఉంది, ఇటీవల కాలంలో వచ్చిన సినిమాల్లో ‘ఇలాంటి పాత్ర నేను చేసుంటే బాగుణ్ణు’ అని మీకేమైనా అనిపించింది ఉందా?’ అనే ప్రశ్న నానికి ఎదురైంది. ఇందుకు నాని బదులిస్తూ..

‘ ‘జై భీమ్’ చూసినప్పుడు నేను ఇలాంటి సినిమా చేసుంటే బాగుణ్ణు అనిపించింది. ఇలాంటి కథలు తెలుగు ప్రేక్షకులకు చూపించాలి అనిపించింది. ఈ సినిమా నా దగ్గరకి ఎందుకు రాలేదు అనే ఫీలింగ్ కూడా కలిగింది. భవిష్యత్తు ఇలాంటి కథలు నా దగ్గరకు వస్తే మిస్ చేసుకోను.’ అంటూ చెప్పుకొచ్చాడు నాని.