బాలీవుడ్‌లో చాలా రకాల టాక్‌ షోలు, రియాలిటలీ షోలు వస్తుంటాయి. అయితే వాటిల్లో ‘కాఫీ విత్‌ కరణ్’ షో స్థాయే వేరు. ఆ కార్యక్రమంలో పాల్గొనడానికి ఎవరూ ముందుకు రారు అని కరణ్ తన మీద తాను జోకులేసుకుంటారు కానీ… బాలీవుడ్‌ సెలబ్రిటీలు చాలామంది ఆ షో కోసం ముందుకొస్తుంటారు. అలా ఇప్పుడు ఆ షో టీవీల నుండి ఓటీటీలకు వచ్చేసింది. మొత్తంగా ఇప్పుడు ఎనిమిదో సీజన్‌ రన్ అవుతోంది. అయితే ఇంతటి పెద్ద షోకు వెళ్లను అని చెప్పాడు నేచురల్‌ స్టార్‌ నాని.
తొలి రోజుల్లో ‘కాఫీ విత్‌ కరణ్’ కార్యక్రమంలో ఎక్కువగా బాలీవుడ్‌ నటులే వచ్చేవారు. అయితే ఇప్పుడు పరిస్థితి మారిపోయింది. పాన్‌ ఇండియా ఫీవర్‌, కరోనా – లాక్‌డౌన్‌ వచ్చాక మొత్తం దేశం అంతా ఒకటే సినిమా అనేలా పరిస్థితి మారింది. దీంతో కాఫీ విత్‌ కరణ్‌లో సౌత్ స్టార్స్‌ కూడా రావడం ప్రారంభించారు. ఈ క్రమంలో ఓ సారి నాని కూడా ఆ షోలో కనిపిస్తాడు అనే పుకారు బయటకు వచ్చింది. కానీ ఇప్పటివరకు ఇది జరగలేదు. దీనిపై తాజాగా క్లారిటీ వచ్చింది. ఆ విషయం నానినే చెప్పాడు.
‘కాఫీ విత్‌ కరణ్’ షోలో పాల్గొనాలని చాలామంది నటీనటులు భావిస్తారు. ఈ షోలో పాల్గొంటే బాగా పాపులర్ కావడంతో పాటు, నేషనల్ రేంజిలో గుర్తింపు దక్కుతుంది అనుకుంటారు కూడా. అయితే నానికి మాత్రం ఆ షోలో పాల్గొనడం ఇష్టం లేదని చెప్పాడు. అలా అని బాలీవుడ్‌కి వెళ్లడం ఇష్టం లేదు అనుకోవచ్చు. నాని బాలీవుడ్‌లో అడుగు పెట్టడానికి కొన్నేళ్లుగా ప్రయత్నాలు జరుగుతున్నాయి కూడా. అంతేకాదు తాను నటించే సౌత్ సినిమాలను బాలీవుడ్‌లోనూ విడుదల చేయాలని నాని అనుకుంటున్నాడు.
అయినప్పటికీ కాఫీ విత్‌ కరణ్ షోకి వెళ్లాలని అనుకోవడం లేదు. ఎందుకంటే కరణ్‌ను కలిస్తే సినిమా ముచ్చట్లు చెప్పుకుంటాను. అంతేకానీ కెమెరా ముందు అతనితో కలిసి మాట్లాడను అని చెప్పేశాడు. కరణ్ షోలో గెస్టులకు కాంట్రవర్సీ ప్రశ్నలు, ప్రస్తావనలు చాలానే ఉంటాయి. అలాగే గతంలో ఎప్పుడో, ఏదో సందర్భంలో జరిగిన విషయాలను ఇప్పుడు గుర్తు చేసి మరీ అడుగుతుంటారు. అందుకే కొంతమంది ఆయన షోకు వెళ్లడానికి ఆసక్తి చూపించారు. ఇప్పుడు నాని (Nani) కూడా అందువల్లే వెళ్లాలని అనుకోవడం లేదేమో అనే కామెంట్స్‌ కూడా కనిపిస్తున్నాయి.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home
