Hero Nani: నాని ‘యాస’ ఈసారి ఏం చేస్తుందో…!

September 17, 2021 / 12:50 PM ISTByFilmy Focus

Join Us

Hero Nani: నాని ‘యాస’ ఈసారి ఏం చేస్తుందో…!

హీరోల పాత్రల్లో వైవిధ్యం అంటే… ఒకటి లుక్‌, రెండోది బాడీ, మూడోది యాస్‌. చాలా ఏళ్లుగా టాలీవుడ్లో వేరియేషన్‌ అంటే ఈ మూడే కనిపిస్తున్నాయి. అయితే ఈ మూడింటిలో ఏ ఒక్కటి మిస్‌ అయినా, సినిమా ఫలితం తేడా కొడుతుంది. ఇలాంటి దెబ్బలు చాలామంది హీరోలు గతంలో తినే ఉన్నారు. అయితే వారిలో నానికి రెండు దెబ్బలున్నాయి. అయితే ఇప్పుడు వాటి నుండి తేరుకొని మరోసారి తన యాస మారుద్దాం అనుకుంటున్నాడట నాని.

ఇటీవల కాలంలో నాని సినిమాల ఎంపిక విషయంలో రకరకాల వార్తలు, చర్చలు, విశ్లేషణలు వస్తున్నాయి. వరుస సినిమాలు చేస్తున్నా… సరైన విజయం దక్కకపోవడంతోనే ఇవన్నీ జరుగుతున్నాయి. ఏ సినిమా చూసినా నాని ఒకేలా కనిపిస్తున్నాడు అని అంటున్నారు. ఇవన్నీ నాని చెవిన పడ్డాయేమో తన కొత్త సినిమా కోసం యాస్‌ మార్చి… తనేంటో నిరూపించుకోవాలని చూస్తున్నాడట. శ్రీకాంత్‌ అనే కొత్త కుర్రాడి దర్శకత్వంలో ఈ సినిమా ఉంటుందట. ఈ సినిమాకు ‘దసరా’ అనే టైటిల్‌ పెడతారనే వార్తలొస్తున్నాయి.

సుకుమార్‌ దగ్గర శిష్యరికం చేసిన శ్రీకాంత్‌… తన తొలి సినిమాలో నాని తెలంగాణ కుర్రాడిగా చూపించే ప్రయత్నం చేస్తున్నాడట. నాని కూడా ఈ ప్రాజెక్టు విషయంలో చాలా ఆసక్తిగా కనిపిస్తున్నాడని టాక్‌. అయితే ఇక్కడ డౌట్‌ ఒకటే. ఇప్పటికే ‘జెండా పై కపిరాజు’, ‘కృష్ణార్జున యుద్ధం’తో యాస్‌ బాధపడిన నాని, ఇప్పుడు ఈ యాసతో ఏం చేస్తాడో చూడాలి.