నాని – త్రివిక్రమ్ ఈ కాంబినేషన్ కోసం ఎంత మంది ఎదురుచూస్తున్నారో చేతులెత్తండి అంటే.. ఓ అడిటోరియంలో ఉన్న దాదాపు అన్ని చేతుల్లో అప్‌లోనే ఉంటాయి. ఎందుకంటే వారిద్దరి కాంబో అంత బాగుంటుంది మరి. త్రివిక్రమ్ స్టైల్‌ రచన, సినిమాకు నాని లాంటి నేచురల్‌ స్టార్‌ తోడైతే ఆ మజానే వేరు. అందుకే చాలా రోజుల నుండి ఫ్యాన్స్‌ ఇదే విషయం చర్చించుకుంటున్నారు. ఈ క్రమంలో నాని దగ్గర ఈ విషయం ప్రస్తావిస్తే.. ఆసక్తికర సమాధానం ఇచ్చాడు. ‘దసరా’ సినిమా ప్రచారంలో భాగంగా ఈ మాటలు వచ్చాయి.
ఒకవేళ త్రివిక్రమ్‌తో సినిమా చేస్తే అది నా జీవితంలో కచ్చితంగా ఒక అద్భుతమైన చిత్రంగా నిలిచిపోతుంది. భవిష్యత్తులో ఆ అవకాశం వస్తుందని ఆశిస్తున్నాను అని అన్నాడునాని. ‘‘త్రివిక్రమ్ నాకోసం కథ రాస్తున్నారని అనుకుంటున్నాను. నాతో సినిమా చేస్తానని ఓ సందర్భంలో త్రివిక్రమ్ చెప్పారు కూడా’’ అని నాని తీపికబురు అందించాడు. త్రివిక్రమ్ డైరక్షన్‌లో ఓ టైమ్‌లో మల్టీస్టారర్ చేద్దామని అనుకున్నామని, అయితే ఇప్పటివరకు కాంబినేషన్ సెట్ అవ్వలేదని చెప్పాడు.
అయితే, ప్రస్తుతం త్రివిక్రమ్ మహేష్‌బాబు సినిమాతో బిజీగా ఉన్నారు. సినిమా మొదలైనట్లే మొదలై మధ్యలో అగిపోయింది. తొలి షెడ్యూల్‌ అయిపోయాక సినిమాను ఆపేశారు. దీంతోపాటు కథ విషయంలో మార్పులు వచ్చాయని, కొత్త కథ రాస్తున్నారని కూడా పుకార్లు వచ్చాయి. అనుకున్నట్లుగానే సినిమా మొదలవ్వలేదు. ఎప్పుడు మొదలవుతుంది అనే విషయంలోనూ స్పష్టత రావడం లేదు. దీంతో ఇప్పటికిప్పుడు నాని సినిమా ఆశించలేం. మరోవైపు త్రివిక్రమ్.. పవన్‌ కల్యాణ్‌ సినిమాల విషయంలో ఆయన కీలకంగా వ్యవహరిస్తున్నారు.
‘భీమ్లా నాయక్‌’ సినిమా ఇలానే చేశారు. ‘వినోదాయ చిత్తాం’ రీమేక్‌ కూడా ఇదే తరహాలో త్రివిక్రమ్ కథనం, మాటలతో రూపొందుతోంది. సుధీర్ వర్మకు కూడా పవన్‌ కోసం త్రివిక్రమ్ ఓ పాయింట్‌ చెప్పారు. దీంతో నాని కోసం ఇలానే ఓ కథ రాసి ఇచ్చే అవకాశం ఉంది. అయితే అప్పుడు ఆ కథను ఎవరు డైరెక్ట్‌ చేస్తారు అనేది చూడాలి. గురూజీ కథ ఇస్తానంటే తీసుకోని దర్శకుడు, హీరో ఉండరు కదా.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
