ఈ మధ్య కాలంలో తమిళ స్టార్ హీరోలు తెలుగు దర్శకులకు ఛాన్స్ లు ఇస్తుండటం మనం చూస్తూనే ఉన్నాం. శివ కార్తికేయన్ ..’జాతి రత్నాలు’ దర్శకుడు కె.వి. అనుదీప్ తో ‘ప్రిన్స్’ అనే చిత్రం చేశాడు. అది ఫ్లాప్ అయ్యింది. తర్వాత ‘మహర్షి’ దర్శకుడు వంశీ పైడిపల్లి.. తమిళ స్టార్ హీరో విజయ్ తో ‘వరిసు'(వారసుడు తెలుగులో) అనే చిత్రాన్ని తెరకెక్కించాడు. ఈ సినిమాకి మిక్స్డ్ టాక్ వచ్చినా.. తర్వాత పికప్ అయ్యి రూ.300 కోట్లు(గ్రాస్) వసూళ్లను సాధించి సూపర్ హిట్ గా నిలిచింది.
అటు తర్వాత వెంకీ కుడుముల దర్శకత్వంలో ధనుష్ హీరోగా రూపొందిన ‘సార్’ వచ్చింది. ఈ సినిమా మొదటి షోతోనే సూపర్ హిట్ టాక్ ను సొంతం చేసుకుని.. ఫుల్ రన్లో బాక్సాఫీస్ వద్ద రూ.120 కోట్లు(గ్రాస్) వసూళ్లను సాధించింది. దీంతో కోలీవుడ్ హీరోలంతా ఇప్పుడు టాలీవుడ్ దర్శకులతో సినిమాలు చేయడానికి తెగ ఇంట్రెస్ట్ చూపిస్తున్నారు. రజినీకాంత్ ఆల్రెడీ ‘వాల్తేరు వీరయ్య’ దర్శకుడు బాబీతో సినిమా చేయడానికి రెడీ అయ్యాడు. దిల్ రాజు ఈ చిత్రాన్ని నిర్మించనున్నారు.
విజయ్ కూడా గోపీచంద్ మలినేని దర్శకత్వంలో సినిమా చేయడానికి ఇంట్రెస్ట్ చూపిస్తున్నట్టు తెలుస్తుంది. ఇక ఎప్పటి నుండో తెలుగు స్ట్రెయిట్ మూవీ చేయాలనుకుంటున్న మరో కోలీవుడ్ స్టార్ సూర్య సైతం ఇద్దరు టాలీవుడ్ దర్శకులకు ఓకే చెప్పినట్టు ఇన్సైడ్ టాక్. ‘సీతా రామం’ దర్శకుడు హను రాఘవపూడితో సినిమా చేయడానికి సూర్య ఆల్రెడీ ఫిక్స్ అయ్యాడు. దీని పై ఇంకా ఎటువంటి అధికారిక ప్రకటన ఇవ్వకుండానే..
ఇప్పుడు మరో టాలీవుడ్ దర్శకుడితో సినిమా చేయడానికి (Suriya) సూర్య ఇంట్రెస్ట్ చూపిస్తున్నట్టు తెలుస్తుంది. ఆ దర్శకుడు మరెవరో కాదు చందూ మొండేటి. ‘కార్తికేయ2’ తో పాన్ ఇండియా సక్సెస్ అందుకున్న ఇతను.. సూర్యకి ఓ కథ చెప్పి ఒప్పించినట్లు తెలుస్తుంది. ‘గీతా ఆర్ట్స్’ బ్యానర్లో ఈ మూవీ రూపొందే అవకాశాలు కనిపిస్తున్నాయి.
శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!
బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!
