Hero Tarun: మహేష్ – త్రివిక్రమ్ ల మూవీ.. అసలు మేటర్ బయట పెట్టిన తరుణ్..!

September 1, 2022 / 11:40 AM ISTByFilmy Focus

Join Us

Hero Tarun: మహేష్ – త్రివిక్రమ్ ల మూవీ.. అసలు మేటర్ బయట పెట్టిన తరుణ్..!

ఒకప్పుడు హీరోగా రాణించి ఫేడౌట్ అయిపోయిన హీరోలంతా..ఇప్పుడు సహాయ నటులుగా, విలన్ లుగా మారి సెకండ్ ఇన్నింగ్స్ ను మొదలుపెట్టారు. వీళ్లకు డిమాండ్ కూడా బాగానే పెరుగుతుంది. ఇటీవల కాలంలో సుశాంత్, సుమంత్, వేణు వంటి హీరోలు క్యారెక్టర్ ఆర్టిస్ట్ లుగా మారారు. దీంతో ఇప్పుడు అందరి దృష్టి తరుణ్ పై పడింది. ఒకప్పుడు ఇతను స్టార్ హీరోగా ఓ వెలుగు వెలిగాడు.ఫుల్ లెంగ్త్ హీరోగా చేసిన మొదటి చిత్రం నువ్వే కావాలి చిత్రంతోనే ఇండస్ట్రీ హిట్ ను తన ఖాతాలో వేసుకున్నాడు.

ఆ తర్వాత ప్రియమైన నీకు, నువ్వులేక నేను లేను, నువ్వే నువ్వే వంటి సూపర్ హిట్ లతో పాటు నవ వసంతం వంటి డీసెంట్ హిట్ ను కూడా అందుకున్నాడు. కానీ కొత్త హీరోల ఎంట్రీతో తరుణ్ పోటీలో వెనుక పడ్డాడు. కొన్నాళ్లుగా తరుణ్ సినిమాలకు దూరంగా ఉంటూ వస్తున్నాడు. అయితే మహేష్ బాబు- త్రివిక్రమ్‌ శ్రీనివాస్‌ కాంబినేషన్‌లో ఓ చిత్రం తెరకెక్కుతుంది. SSMB28 వర్కింగ్ టైటిల్ తో తెరకెక్కుతున్న ఈ సినిమాలో ఒక కీలక పాత్ర కోసం తరుణ్‌ని తీసుకోనున్నట్లు పెద్ద ఎత్తున ప్రచారం జరుగుతోంది.

అయితే తాజాగా ఈ విషయం పై తరుణ్ క్లారిటీ ఇచ్చారు.’ నన్ను ఈ సినిమా కోసం ఎవరూ సంప్రదించలేదని, ఈ ప్రచారంలో నిజం లేదు ‘ అని ఆయన పేర్కొన్నారు.అంతేకాదు నా సినీ కెరీర్ కు సంబంధించిన ఎలాంటి వార్త అయినా ప్రేక్షకులతో పంచుకోడానికి సంకోచించను ‘ అంటూ కూడా తెలియజేశాడు. దీంతో ఆ రూమర్స్ కు ఫుల్ స్టాప్ పడినట్టు అయ్యింది.