Mahesh Babu: ఆ హీరోయిన్ తో రొమాన్స్ చేయబోతున్న మహేష్..?

మాటల మాంత్రికుడు త్రివిక్రమ్ శ్రీనివాస్ ఒక సినిమాలో అవకాశం ఇచ్చిన హీరోయిన్ కే తరువాత సినిమాల్లో కూడా ఛాన్స్ ఇస్తూ ఉంటారు. గతంలో ఇలియానా, సమంత ఈ విధంగా ఆఫర్లు అందుకోగా ప్రస్తుతం బుట్టబొమ్మ పూజా హెగ్డేకు కూడా ఇదే విధంగా ఆఫర్లు దక్కుతున్నాయి. త్రివిక్రమ్ దర్శకత్వం వహించిన అరవింద సమేత వీరరాఘవ, అల వైకుంఠపురములో సినిమాల్లో పూజా హెగ్డే హీరోయిన్ గా నటించిన సంగతి తెలిసిందే. మహేష్ బాబుతో గతంలో అతడు, ఖలేజా సినిమాలను తెరకెక్కించిన త్రివిక్రమ్ శ్రీనివాస్ మహేష్ తో మరో సినిమాను తెరకెక్కించడానికి సిద్ధమవుతున్నట్టు ఇండస్ట్రీ వర్గాల్లో ప్రచారం జరుగుతోంది.

ఈ సినిమాలో హీరోయిన్ గా త్రివిక్రమ్ శ్రీనివాస్ పూజా హెగ్డేను ఫైనల్ చేసినట్టు తెలుస్తోంది. అయితే ఈ మేరకు అధికారిక ప్రకటన వెలువడాల్సి ఉంది. మహర్షి సినిమాతో మహేష్ పూజా హెగ్డే జోడీ సూపర్ హిట్ జోడీ అని ఇప్పటికే ప్రూవ్ చేసుకుంది. జూనియర్ ఎన్టీఆర్ త్రివిక్రమ్ సినిమా ఆగిపోయిందని ఇండస్ట్రీ వర్గాల్లో ప్రచారం జరుగుతుండగా త్రివిక్రమ్ తరువాత సినిమాను మహేష్ తో పట్టాలెక్కించనున్నరని సమాచారం. ఎన్టీఆర్ తరువాత ప్రాజెక్ట్ కొరటాల శివ డైరెక్షన్ లో ఉండనుందని తెలుస్తోంది.

ప్రస్తుతం పూజా హెగ్డే బాలీవుడ్, కోలీవుడ్ ఆఫర్లతో బిజీగా ఉన్నారు. పూజా హెగ్డే నటించిన మోస్ట్ ఎలిజిబుల్ బ్యాచిలర్, రాధే శ్యామ్ సినిమా ఈ ఏడాదిలోనే రిలీజ్ కానున్నాయి. ఈ రెండు సినిమాలు హిట్టైతే పూజా హెగ్డే రేంజ్ మరింత పెరిగే అవకాశం ఉంది. ప్రస్తుతం ఒక్కో సినిమాకు పూజా హెగ్డే 2.5 కోట్ల రూపాయల పారితోషికం తీసుకుంటున్నారని తెలుస్తోంది.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!