రెబల్ స్టార్ ప్రభాస్ ప్రస్తుతం వరుసగా పాన్ ఇండియా సినిమాలతో చాలా బిజీ గా మారిపోయాడు. ఏకంగా ఐదు పాన్ ఇండియా సినిమాలను లైన్ లో పెట్టాడు. ఇప్పటి వరకు ఇండియాలో ఏ స్టార్ హీరో కూడా ఈ స్థాయిలో బిగ్ బడ్జెట్ సినిమాలను లైన్ లో పెట్టలేదు. ఒక విధంగా బాలీవుడ్ హీరోల కంటే కూడా ప్రభాస్ తన మార్కెట్ ను అంతకంతకూ పెంచుకుంటూనే ఉన్నాడు. ప్రస్తుతం కొన్ని సినిమాలకు అయితే అతని పారితోషికం 150 కోట్లకు చేరినట్లు తెలుస్తోంది.
ఇక ఇలాంటి స్టార్ హీరో ఒక్క సినిమా చేసినా చాలు అని గ్లామరస్ హీరోయిన్స్ ఎంతో ఆతృతగా ఎదురుచూస్తున్నారు. ఇక ఇటీవల మారుతి దర్శకత్వంలో కూడా ప్రభాస్ ఒక సినిమా చేసేందుకు చర్చలు జరుపుతున్నట్లు కథనాలు వెలువడిన విషయం తెలిసిందే. ఆ సినిమాకు రాజా డీలక్స్ అనే టైటిల్ ని కూడా అనుకుంటున్నట్లుగా ఒక టాక్ అయితే కొనసాగుతోంది. ఆ సినిమాలో అవకాశం కోసం మారుతికి తెలిసిన కొంతమంది హీరోయిన్స్ ప్రత్యేకంగా ఫోన్ కాల్స్ చేసి మరి ఆ సినిమాలో చిన్న పాత్ర ఇచ్చినా కూడా చాలు అని రిక్వెస్ట్ చేస్తున్నట్లుగా సమాచారం.
ఇక అందులో ముఖ్యంగా మెహ్రీన్ ఫిర్జాదా కూడా ఉన్నట్లుగా తెలుస్తోంది. ఈ బ్యూటీ ఇదివరకే మారుతి దర్శకత్వంలో మహానుభావుడు, మంచిరోజులు వచ్చాయి వంటి సినిమాలు చేసింది. ఇక ఆ పరిచయంతోనే మారుతి తో ప్రభాస్ చేయబోయే సినిమాలో అవకాశం అడిగినట్లు సమాచారం. అయితే ఇంకా మారుతి ఫైనల్ స్క్రిప్ట్ ను కూడా పూర్తి చేయలేదు. ప్రభాస్ కోసం అతను మళ్ళీ కథలో మార్పులు చేసే అవకాశం ఉన్నట్లుగా తెలుస్తోంది.
ఆ సినిమా హారర్ కామెడీ కాన్సెప్ట్ లో రాబోయే అవకాశం ఉన్నట్లు సమాచారం. ఇక హీరోయిన్ విషయంలో అయితే సినిమాలో మొత్తం ముగ్గురు స్టార్ హీరోయిన్లను అనుకుంటున్నట్లుగా కథనాలు వెలువడుతున్నాయి. మరి మెహ్రీన్ ఫిర్జాదా కోరుకున్నట్లుగా ఆమెకు ఏదైనా క్యారెక్టర్ ఇస్తారో లేదో చూడాలి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
Home