వెండితెర పై క‌నిపించే కాసేపు ఆందాలు ఆర‌బోస్తూ, అప్పుడ‌ప్పుడు పాట‌ల్లో మెరిసే ముద్దుగుమ్మ‌లు ఈ మధ్య విల‌న్ పాత్ర‌ల‌కు సై అంటున్నారు. సిల్వ‌ర్ స్కీన్ పై క్యూట్‌గా క‌ల‌ర్‌ఫుల్‌గా క‌నిపించే అంద‌మైన భామ‌లు విల‌న్ వేషాల వైపు మొగ్గు చూపుతున్నారు. ఇటీవ‌ల లేడీ ఓరియంటెడ్ మూవీస్‌కు ఆద‌ర‌న పెరుగుతున్న సంగ‌తి తెలిసిందే. స్ట్రాంగ్ క్యారెక్ట‌ర్స్ కోసం నెగిటివ్ షేడ్స్ ఉన్న పాత్రలు చేసేందుకు హీరోయిన్లు వెన‌క‌డుగు వేయ‌డంలేదు. ఇక అసలు మ్యాట‌ర్‌లోకి వ‌స్తే.. తేజ తెర‌కెక్కించిన సీత చిత్రంలో చంద‌మామ కాజ‌ల్ అగ‌ర్వాల్ చేసిన ప్రాక్టిక‌ల్ బిజినెస్ ఉమెన్ పాత్ర కొంచెం నెగిటీవ్ షేడ్స్ ఉన్న సంగ‌తి తెలిసిందే.
గ‌తంలో న‌టించిన క్యారెక్ట‌ర్స్‌కు భిన్నంగా సీత మూవీ చేసిన రోల్‌కు కాజ‌ల్‌కు మంచి మార్కులే ప‌డ్డాయి. ఇక ఆర్ఎక్స్ 100తో తెలుగు వెండితెర పై ఎంట్రీ ఇచ్చిన పాయ‌ల్ రాజ్‌పుత్, ఆ చిత్రంలో ఓ రేంజ్‌లో హాట్‌గా రెచ్చిపోవ‌డమే కాకుండా మొస‌గ‌త్తె పాత్ర‌లో మెప్పించి విల‌న్‌గా మంచి పేరు తెచ్చుకుంది. పెళ్ళి చూపులు చిత్రంలో క్లీన్ అండ్ స‌టిల్డ్‌గా న‌టించిన రీతు వ‌ర్మ.. దుల్క‌ర్ స‌ల్మాన్‌తో న‌టిచించిన క‌నులు క‌నులు దోచాయంటే చిత్రంలో అమాయ‌కంగా క‌నిపించే దొంగ పాత్ర‌లో మెరిసి, నెగిటివ్ క్యారెక్ట‌ర్స్ చేయ‌డానికి త‌న‌కు ఎలాంటి అభిప్రాయం లేద‌ని మేక‌ర్స్‌కు సంఖేతాలు పంపింది. తమిళ బొద్దుగుమ్మ వరలక్ష్మి అయితే ఈ మధ్య చేస్తున్న‌వ‌న్నీ నెగిటీవ్ పాత్ర‌లే. పందెంకోడి 2, స‌ర్కార్, తెనాలి రామ‌కృష్ణ చిత్రంల్లో పూర్తిగా నెగిటివ్ షేడ్స్ ఉన్న పాత్ర‌ల్లో క‌నిపించిన వరలక్ష్మి, ర‌వితేజ అప్ క‌మింగ్ మూవీ క్రాక్‌లో కూడా నెగిటివ్ పాత్ర‌లో క‌నిపించ‌నున్నార‌ని స‌మాచారం.
ఇటీవ‌ల నాజూకుగా మారి బొద్దుగుమ్మ హ‌న్సిక కూడా నెగిటివ్ పాత్రలు చేయ‌డానికి సిద్ధ‌మైంది. ఈ క్ర‌మంలో ఆమె న‌టిస్తున్న 50వ చిత్రం మ‌హాలో హ‌న్సిన నెగిటివ్ షేడ్స్ ఉన్న పాత్ర పోషిస్తున్న‌ట్లు తెలుస్తోంది. ధ‌నుష్‌తో ధ‌ర్మ‌యోగి చిత్రంలో నెగిటీవ్ షేడ్స్ ఉన్న పాత్ర‌లో న‌టించి మెప్పించింది త్రిష. ఆ సినిమా రిజ‌ల్ట్ తేడా కొట్టినా, త్రిష పాత్ర‌కి మంచి మార్కులే ప‌డ్డాయి. ఇక అందాల సుంద‌రి ఐశ్వ‌ర్య రాయ్ కూడా విల‌న్‌గా మార‌నుంద‌ని తెలుస్తోంది. మ‌ణిర‌త్నం న‌యా మూవీ పొన్నియ‌న్ సెల్వం మూవీలో నెగిటివ్ ట‌చ్ ఉన్న పాత్ర‌లో న‌టిస్తున్న‌ట్లు టాక్.
ఇక ఒక‌వైపు క‌మ‌ర్షియ‌ల్ మ‌రోవైపు లేడీ ఓరియెంటెడ్ మూవీస్ చేస్తూ ఫుల్ స్వింగ్‌లో ఉన్న సమంత కూడా ది ఫ్యామిలీ మేన్ వెబ్ సిరీస్ రెండో పార్ట్‌లో నెగిటివ్ పాత్ర పోషించింది. ఆన్‌లైన్‌లో విడుద‌ల‌కు సిద్ధంగా ఉన్న ది ఫ్యామిలీ మేన్ సెకండ్ పార్ట్‌లో సమంత టెర్ర‌రిస్టుగా క‌నిపించ‌నున్నార‌ని స‌మ‌చారం. అలాగే అంధ‌ధూన్ తెలుగు రీమేక్‌లో న‌టిస్తున్న మిల్కీ బ్యూటీ తమన్నా, క‌థ‌లో భాగంగా హింధీలో టుబు పోషించిన నెగిటివ్ షేడ్స్ ఉన్న పాత్ర చేయ‌డానికి గ్రీన్ సిగ్న‌ల్ ఇచ్చి సినీ వ‌ర్గాల‌కు పెద్ద షాకే ఇచ్చింది. ఇలా వెండితెర పై త‌మ అందాల‌తో క‌నుల విందు చేసే హీరోయిన్లు విల‌న్లుగా మారుతూ స‌త్తా చాటేందుకు సిద్ధ‌మ‌వుతున్నారు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
