పవన్, త్రివిక్రమ్ మూవీలో హైలెట్ కానున్న అంశాలు!

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా షూటింగ్ వేగంగా జరుగుతోంది. సాఫ్ట్ వేర్ ఇంజినీర్ గా పవన్ నటిస్తున్న ఈ మూవీలో హీరోయిన్లుగా అను ఇమ్మానియేల్, కీర్తి సురేష్ నటిస్తున్నారు. పవన్ పుట్టినరోజు సందర్భంగా రిలీజ్ అయిన ఫస్ట్ లుక్ వీడియో, సాంగ్ బిట్ అంచనాలను పెంచేసాయి. తాజాగా ఈ మూవీ లోని హైలెట్స్ కొన్ని బయటికి వచ్చాయి. అత్తారింటికి దారేది సినిమాలో అత్తా, మేన అల్లుడు మధ్య అనుబంధం ప్రధాన అంశం కాగా, ఈ సినిమాలో తండ్రి, కొడుకు సెంటిమెంట్ ప్రధానంగా ఉటుందని సమాచారం.

అంతేకాక ఈ చిత్రంలో మరో ప్రధాన హైలెట్ ఏమిటంటే 7  ఫైట్స్. ప్రతి  పోరాట సన్నివేశం కొత్తగా కంపోజ్ చేసినట్లు తెలిసింది. హారిక అండ్ హాసిని బ్యానర్లో రాధాకృష్ణ నిర్మిస్తున్న ఈ సినిమాలో సీనియర్ నటి కుష్బూ కీలకరోల్ పోషిస్తోంది. విక్టరీ వెంకటేష్ గెస్ట్ రోల్లో సందడి చేయనున్నారు. అజ్ఞాతవాసి అనే టైటిల్ పరిశీలిస్తున్న ఈ సినిమా 2018 జనవరి 10వ తేదీన రిలీజ్ కానుంది. జల్సా, అత్తారింటికి దారేది కాంబినేషన్లో వస్తున్న ఈ చిత్రంపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.