పాన్ ఇండియా స్టార్ ప్రభాస్ (Prabhas) హీరోగా, హను రాఘవపూడి (Hanu Raghavapudi) దర్శకత్వంలో తెరకెక్కుతున్న పీరియాడిక్ యాక్షన్ డ్రామా ఫౌజీ (Fauji) గురించి రోజుకో ఇంట్రెస్టింగ్ అప్‌డేట్ బయటకు వస్తూనే ఉంది. రెండో ప్రపంచ యుద్ధం నేపథ్యంలో సాగే ఈ సినిమాలో ప్రభాస్ సైనికుడిగా కనిపించనున్నారనే విషయం ఇప్పటికే హైలైట్ అయ్యింది. అయితే, తాజాగా ఈ సినిమాలో ఓ హాలీవుడ్ యాక్టర్ కూడా కీలక పాత్రలో నటిస్తున్నారని వార్తలు చక్కర్లు కొడుతున్నాయి. ఇమాన్వి హీరోయిన్‌గా నటిస్తున్న ఈ ప్రాజెక్ట్‌ను మైత్రి మూవీ మేకర్స్ భారీ బడ్జెట్‌తో నిర్మిస్తోంది.
తాజాగా ఫిల్మ్ వర్గాల నుంచి లీకవుతున్న సమాచారం ప్రకారం, సినిమాలో రజాకార్లతో సంబంధం ఉన్న ఓ కీలక ఎపిసోడ్ హైలైట్ కానుందట. ఈ సీక్వెన్స్‌లోనే ఒక ప్రముఖ హాలీవుడ్ యాక్టర్ స్క్రీన్‌పై అడుగుపెట్టనున్నారని టాక్. అందులో ఆయన పాత్ర పవర్ఫుల్ గా ఉంటుందట. ఈ హాలీవుడ్ యాక్టర్ పాత్ర కోసం గత ఆరు నెలలుగా మేకోవర్ తీసుకుంటున్నారని, ఆయన క్యారెక్టర్ ప్రభాస్ పాత్రతో సన్నివేశాల్లో కీలకంగా సాగుతుందని తెలుస్తోంది.
దర్శకుడు హను రాఘవపూడి, ఈ సీన్ ఎమోషన్, యాక్షన్ పరంగా పెద్దదిగా ప్లాన్ చేశారని, మార్చి నుండి ఈ ఎపిసోడ్ షూట్ మొదలవుతుందని సమాచారం. అలాగే, ఈ సినిమాలో పవర్ఫుల్ ఫ్లాష్‌బ్యాక్ ఎపిసోడ్ కూడా ఉంటుందని, అందులో ప్రభాస్ ఓ కొత్త యాంగిల్‌లో కనిపిస్తారట. ఈ ఫ్లాష్‌బ్యాక్‌లో మరొక హీరోయిన్ కూడా కనిపించే అవకాశం ఉందని వినిపిస్తోంది.
ఆ హీరోయిన్ పేరు ఇంకా బయటకు రాలేదు కానీ, ఆమె పాత్ర కూడా కీలకమేనని చెప్పుకుంటున్నారు. ప్రస్తుతం ఈ హాలీవుడ్ యాక్టర్ ఎవరు అనే విషయంపై ఇంకా క్లారిటీ రాలేదు. త్వరలోనే చిత్రబృందం అధికారికంగా ఈ అప్‌డేట్ ఇస్తారట. ఏదేమైనా, హనుతో ప్రభాస్ చేస్తున్న ఈ పాన్ వరల్డ్ ప్రాజెక్ట్‌ రోజు రోజుకు మరింత హైప్ క్రియేట్ చేస్తూనే ఉంది.
Home