మహేష్ బాబు (Mahesh Babu) రాజమౌళి (SS Rajamouli) కాంబో సినిమాకు సంబంధించి అధికారికంగా ఎలాంటి అప్ డేట్స్ రాకపోయినా అనధికారికంగా ఈ సినిమాకు సంబంధించి ఎన్నో అప్ డేట్స్ నెట్టింట వైరల్ అవుతున్నాయి. ఈ సినిమాలో హృతిక్ రోషన్ నెగిటివ్ షేడ్స్ ఉన్న పాత్రలో కనిపించనున్నారని తాజాగా వైరల్ అవుతున్న వార్తల సారాంశం. మహేష్ రాజమౌళి కాంబో మూవీలో హృతిక్ (Hrithik Roshan) విలన్ గా నటిస్తే ఆకాశమే హద్దుగా ఈ సినిమాపై అంచనాలు పెరుగుతాయని చెప్పడంలో సందేహం అక్కర్లేదు.
మహేష్ జక్కన్న మూవీలో హృతిక్ నటిస్తున్నారని తెలిసి మహేష్ కోసం జక్కన్న ప్రణాళికలు మామూలుగా లేవుగా అంటూ నెటిజన్లు సోషల్ మీడియా వేదికగా కామెంట్లు చేస్తున్నారు. స్టార్ డైరెక్టర్ రాజమౌళి ప్రణాళికలు సాధారణంగా వేరే స్థాయిలో ఉంటాయి. మహేష్ మూవీ కోసం జక్కన్న మరింత ఎక్కువగా కష్టపడుతున్నారని పాన్ వరల్డ్ స్థాయిలో ఈ సినిమా సక్సెస్ సాధించేలా అడుగులు వేస్తున్నారని తెలుస్తోంది.
హై టెక్నికల్ వాల్యూస్ తో, భారీ విజువల్ ఎఫెక్స్ట్స్ తో ఈ సినిమాను నిర్మించనున్నారని తెలుస్తోంది. అరుదైన కాంబినేషన్ దిశగా జక్కన్న అడుగులు వేస్తే మాత్రం ఫ్యాన్స్ సంతోషానికి అవధులు ఉండవని కామెంట్లు వ్యక్తమవుతూ ఉండటం గమనార్హం. ఈ సినిమా కోసం రాజమౌళి బలమైన విలన్ రోల్ ను క్రియేట్ చేశారని కామెంట్లు వ్యక్తమవుతున్నాయి. రాజమౌళి సినిమాలో నటించడానికి హృతిక్ రోషన్ గ్రీన్ సిగ్నల్ ఇస్తారో లేదో చూడాల్సి ఉంది.
ఈ సినిమా కోసం అల్యూమినియం ఫ్యాక్టరీలో సెట్ వేస్తున్నారని సమాచారం అందుతోంది. మే నెల తర్వాత ఈ సినిమా షూటింగ్ మొదలుకానుందని భోగట్టా. మహేష్ జక్కన్న కాంబో మూవీ విదేశీ భాషల్లో సైతం రిలీజ్ కానుందని సమాచారం అందుతోంది. ఈ సినిమాలో నటించే హీరోయిన్ గురించి, ఈ సినిమాకు పని చేసే టెక్నీషియన్స్ గురించి త్వరలో పూర్తిస్థాయిలో క్లారిటీ వచ్చే అవకాశాలు ఉన్నాయి. మహేష్ ఈ సినిమా కోసం తన లుక్ ను మార్చుకునే పనిలో బిజీగా ఉన్నారు.
షరతులు వర్తిస్తాయి సినిమా రివ్యూ & రేటింగ్!
‘డెవిల్’ ఫైనల్ గా ఎంత కలెక్ట్ చేసిందంటే?
‘బబుల్ గమ్’ ఫైనల్ గా ఎంత కలెక్ట్ చేసిందంటే?
