అంబేద్కర్ ఆశయాలకు కట్టుబడి ఉంటా : పవన్ కళ్యాణ్

తెలుగు రాష్ట్రాల్లో పవన్ కళ్యాణ్ క్రేజ్ కొలవడానికి ఏ సాధనం లేదు. ఇదివరకు నటనతో యువత గుండెల్లో పవర్ స్టార్ గా స్థానం సంపాదించుకున్న అతను.. ఇప్పుడు ప్రజా సమస్యలపై పోరాడి మంచి నేతగా ప్రజల మనసులో స్థానం సంపాయించుకుంటున్నారు. ఆయన నిస్వార్ధ పోరాటం తెలుగు ప్రజలనే కాదు విదేశీ ప్రముఖులను సైతం ఆకర్షించింది. పవన్ ని అభినందించేలా చేసింది. బ్రిటన్ పార్లమెంట్ హౌస్‌ ఆఫ్ లార్డ్స్‌లో పవన్‌కళ్యాణ్ కి ఇండో – యూరోపియన్ ఎక్సలెన్స్ అవార్డు అందించి విదేశీయులు తమ అభిమానాన్ని చాటుకున్నారు. మరింత సేవ చేయాలనీ ప్రోత్సహించారు.

ఈ అవార్డు అనంతరం అక్కడి అంబేద్కర్ మెమోరియల్‌ను సందర్శించినపుడు పవన్ తన మనసులోని మాటకు అక్షర రూపం కల్పించారు.  “శ్రీ బాబా సాహెబ్ ఎప్పటికీ ప్రజల హృదయాల్లో నిలిచి ఉంటారు. మా జాతికే గర్వకారణమైన గొప్ప నేత.. ఆయన్ను నేను నిజంగా ఆరాధిస్తాను.. ఆయన్నుంచి ప్రేరణ పొందాను. జనసేన పార్టీ ద్వారా నా తుది శ్వాస వరకు ఆయన ఆశయాలకు కట్టుబడి ఉంటాను.” అంటూ పవన్ ఆటోగ్రాఫ్ చేశారు. దీనికి సంబంధించిన వీడియోను జనసేన పార్టీ నిర్వహిస్తున్న సోషల్ మీడియా ద్వారా  ఈరోజు అప్‌లోడ్ చేసిింది. ఇప్పుడు ఆ వీడియో ట్రెండింగ్ లో ఉంది. పవన్ మాట ఇచ్చినా, అడుగు వేసిన వెనక్కి తీసుకోడని అభిమానులు గర్వంగా చెబుతున్నారు. పవన్ ఆశయ సాధనకు తాము కూడా శ్రమిస్తామని అంటున్నారు.